MISAOTRA MAHATSIARO .pdf


Nom original: MISAOTRA MAHATSIARO.pdf
Titre: MISAOTRA MAHATSIARO
Auteur: ARNYR Andrianarisaina

Ce document au format PDF 1.3 a été généré par PDFCreator Version 0.9.0 / AFPL Ghostscript 8.53, et a été envoyé sur fichier-pdf.fr le 19/01/2012 à 06:52, depuis l'adresse IP 41.188.x.x. La présente page de téléchargement du fichier a été vue 1088 fois.
Taille du document: 30 Ko (2 pages).
Confidentialité: fichier public


Aperçu du document


MISAOTRA MAHATSIARO

Nisomeso ianao,
nirary soa ho ahy noho ny taom-baovao.
Efa mahazatra ny fomba toy izany,
fanaon’ny olom-banona manerana ny tany.

Raha ny ahy manokana,
sivy amby enimpolo ny hafatra voaraiko;
nisy tamin’ireo nalefan’olon-tsy haiko
satria tsy nisy anarana
mba azo namantarana
ny fototra niaviany,
fa ny firariany
no nomena lanja, ankasitrahan’ny fo,
izay no fanajana mendrika tokoa.

Vao aninkeo anefa,
tsikaritro nirehitra
ilay finday fampiasako fandefasan-kafatra;
noraisiko avy hatrany fa liana aho te hahafantatra
ny rary noraketiny…

Toa izao ny ventiny:

“Arnyr,
mirary soa ho anao
nahatratra taombaovao!
Aoka ianao tsy hihevitra hamantatra ahy mihitsy
f’izaho handao ny tany afaka ora vitsy !”

Dona sa fanamby ?
Arira ve sa sangy ?

Ny tonga tao an-tsaiko dia ny hiezaka hanandrana,
hampiasa ny findaiko… Dia niantso ilay laharana…

1

Ny valiny voaray, tsy tena nahafinaritra :
“maty ny finday na any ivelan’ny faritra (…)”

Teo… nisaina kely,
tsy nitsahatra nijery
ilay laharanao tsy fantatro hoe an’iza,
mitondra tebiteby amin’izato takariva…

Hany fara heriko,
ny fahaizako no nentiko
nisomeso ho anao mba ho ala nenina,
nefa raha ny marina, tsy nanan-kotenenina,
fa adidy ny mamaly
ka nikiry ihany :

“Misaotra mahatsiaro !
Mirary koa, ho anao, taom-pahasambarana,
Tojoa izay irina ! Mandria am-piadanana !”

ARNYR Andrianarisaina
(67 ha, 01 janoary 2012, 6ora 35 hariva)

2


Aperçu du document MISAOTRA MAHATSIARO.pdf - page 1/2

Aperçu du document MISAOTRA MAHATSIARO.pdf - page 2/2




Télécharger le fichier (PDF)




Sur le même sujet..





Ce fichier a été mis en ligne par un utilisateur du site. Identifiant unique du document: 00090195.
⚠️  Signaler un contenu illicite
Pour plus d'informations sur notre politique de lutte contre la diffusion illicite de contenus protégés par droit d'auteur, consultez notre page dédiée.