Fichier PDF

Partage, hébergement, conversion et archivage facile de documents au format PDF

Partager un fichier Mes fichiers Convertir un fichier Boite à outils Recherche Aide Contact



M.R.A Atlantik .pdf



Nom original: M.R.A_Atlantik.pdf
Titre: PWOPOZISYON PATI MOUVMAN REVOLISYONÈ AYISYEN (M.R.A.) POU KONBLE VAKANS PREZIDANSYÈL LA

Ce document au format PDF 1.5 a été généré par Joomla! 1.5 - Open Source Content Management / TCPDF 2.5.000_PHP4 (http://www.tcpdf.org), et a été envoyé sur fichier-pdf.fr le 04/12/2012 à 03:24, depuis l'adresse IP 96.22.x.x. La présente page de téléchargement du fichier a été vue 980 fois.
Taille du document: 238 Ko (3 pages).
Confidentialité: fichier public




Télécharger le fichier (PDF)









Aperçu du document


PWOPOZISYON PATI MOUVMAN REVOLISYONÈ AYISYEN (M.R.A.) POU KONBLE VAKANS PREZIDANSY
Écrit par Radio Atlantik
Mercredi, 17 Octobre 2012 21:54

 

Direksyon Pati Mouvman Revolisyonè Ayisyen (M.R.A)  di ayibobo pou tout popilasyon
depatman Nò ak Nòdès, ak militan politik lòt depatman,  ki deside pilonnen beton an nan mitan
vil okap, pou reklame dechoukay Michèl Mateli, yon sitwayen meriken ki fofile kò l pou l chita
sou  fotèy boure palè nasyonal  ak tit prezidan, alòske manman lwa peyi dayiti pa pèmèt okenn
etranje vin dirije peyi Papa Desalin lan. Prensipal modòd manifèstan yo, se deboulonnay Mateli
pou l jije, enpi kondane pou tout manti li bay pèp ayisyen an, pou vòl, kòripsyon, pou fo paspò li
fè sou non l kòmkwa se ayisyen l ye, pou dekòstonbre li dekòstonbre tout enstitisyon nan peyi
a, pou kay malere li kraze nan  katye popilè, pou planifikasyon l fè pou l kraze kay malere
malerèz nan vil okap, pou lavichè ak ensekirite li kwaze sou kòtòf lèstomak pèp ayisyen an. Si
Mateli pa ta gentan chape pou l li, retounen nan peyi l , peyi etazini, tribinal Ot kou jistis nan
sena ayisyen an dwe prepare pou jije l, apre chanm depite a fin mete kòd akizasyon trayizon
nan kou l, selon atik 185 ak atik 186 manman lwa peyi dayiti.

Pou konnyè a, se mobilizasyon manch long jiskaske Mateli dechouke. Etan done Mateli,
sitwayen etranje, te pibliye plizyè lwa ak desizyon illegal, enkonstitisyonèl, tout lwa ak tout
desizyon silayo anile dofis. Michèl Mateli gen posiblite kite peyi a, chape pou l li, ou byen l
 rantre dèyè bawo prizon. Nan ka vakans prezidansyèl la, Pati Mouvman Revolisyonè Ayisyen
M.R.A. fè pwopozisyon silayo:

 

1-   Aplikasyon atik 149 konstitisyon 29 mas 1987 la, nan tout entegralite l ki  di konsa: Sizanka
plas prezidan an vin vid, pou nenpòt ki rezon, se prezidan tribinal  kasasyon an ki monte
prezidan pwovizwa repiblik la. Si plas prezidan tribinal kasasyon an vid, se vis-prezidan tribinal
kasasyon an ki monte. Si plas vis-prezidan an vid, se jij ki pi ansyen an kòm jij tribinal kasasyon
an ki monte. Asanble nasyonal la enstale prezidan pwovizwa a nan plas li, jan lalwa di sa dwe
fèt. Jan sa ekri nan konstitisyon an, ak lwa elèktoral la, vòt pou elèksyon yon nouvo prezidan, ki
va gen yon manda 5 lane, dwe reyalize 45 jou, pou pi ta, apre plas prezidan an vin vid.

 

1/3

PWOPOZISYON PATI MOUVMAN REVOLISYONÈ AYISYEN (M.R.A.) POU KONBLE VAKANS PREZIDANSYÈ
Écrit par Radio Atlantik
Mercredi, 17 Octobre 2012 21:54

2-   Abwogasyon Konstitisyon 1987 amande a, paske piblikasyon l te fèt nan total konfizyon ak
ilegalite

 

3-   Revokasyon 3 jij lakou kasasyon yo Mateli te nonmen ilegalman: Anèl Alèksi Jozèf, Kesnè
Michèl Tèmezi ak Frantzi Filemon, paske Anèl Alèksi Jozèf gen plis pase 65 rekòt kafe sou tèt
li, kontrèman ak atik 28 lwa 27 novanm 2007 sou estati majistrati a, ki pa pèmèt yon sitwayen
ayisyen gen non l figire sou lis nominasyon pou pòs jij nan lakou kasasyon, si l gen laj plis pase
65 lane. Anplis Mouche Kesnè Michèl Tèmezi ak Frantzi Filemon, pat janm gen non yo figire
nan lis Senatè yo te voye bay Mateli pou chwazi yo kòm jij nan lakou kasasyon. Yo rive fofile
gras ak konplisite ansyen Senatè Youri Latòti ak prezidan Sena ayisyen an.

 

4-   Nominasyon 3 nouvo jij nan lakou kasasyon selon atik 175 manman lwa peyi a, ki reklame
se prezidan repiblik la ki nonmen jij tribinal kasasyon yo, sou yon lis twa (3) non, lachanm
Senatè yo prezante  l pou chak plas jij….

 

5-   Nominasyon prezidan tribinal kasasyon an

 

6-    Re-enstale manb Konsèy Siperyè Pouvwa Jidisyè (K.S.P.J.) a, apre konpletay li ak nouvo
prezidan lakou kasasyon an.

2/3

PWOPOZISYON PATI MOUVMAN REVOLISYONÈ AYISYEN (M.R.A.) POU KONBLE VAKANS PREZIDANSYÈ
Écrit par Radio Atlantik
Mercredi, 17 Octobre 2012 21:54

 

7-   Revokasyon arete ki te nonmen ilegalman 6 manb Konsèy Elèktoral Prezidansyèl yo, paske
atik 289 ak atik 192 manman lwa peyi a pa prevwa piblikasyon arete nominasyon pasyèl manb
Konsèy Elèktoral Pwovizwa ou byen Pèmanan

 

8-   Mete kanpe yon Konsèy Elèktoral Pwovizwa Espesyal Tèt Ansanm pou òganize elèksyon
pou renouvle premye tyè sena a, ak elèksyon pou kolèktivite teritoryal yo….

 

Viktwa final, se pou pèp òganize, se pou pèp mobilize, se pou pèp solidè, ki pa janm sispann
batay…… Moun ki sanble,  se yo ki rasanble….

 

Pati Mouvman Revolisyonè Ayisyen (M.R.A.)

3/3


M.R.A_Atlantik.pdf - page 1/3
M.R.A_Atlantik.pdf - page 2/3
M.R.A_Atlantik.pdf - page 3/3

Documents similaires


Fichier PDF m r a atlantik
Fichier PDF nouvelvwa fete du fruit a pain 4eme edition
Fichier PDF ann pale 2
Fichier PDF reglement megamix basket 2014
Fichier PDF 2016 cdm actionprintps 2016 v1
Fichier PDF repartitions der


Sur le même sujet..