MONTEGROSSU DUMANE Siconda lettera .pdf


Nom original: MONTEGROSSU DUMANE Siconda lettera.pdf
Auteur: geronimi_j

Ce document au format PDF 1.5 a été généré par Microsoft® Office Word 2007, et a été envoyé sur fichier-pdf.fr le 20/02/2014 à 22:33, depuis l'adresse IP 90.8.x.x. La présente page de téléchargement du fichier a été vue 557 fois.
Taille du document: 829 Ko (2 pages).
Confidentialité: fichier public


Aperçu du document


MONTEGROSSU DUMANE

siconda lettera d’infurmazione

CARTULARE
A cumuna di Montegrossu si trova à menu di 20 chilometri di Calvi è di l’Isula, sùbitu accantu à u mare è à a
muntagna è ancu accantu à i dui porti è à l’aeroportu. Hè fatta di trè paesi : Cassanu, Lunghignanu è Montemaiò è
fala in piaghja. Hè unu di i più belli ghjuvelli di Balagna.
Ma oghje, u ghjuvellu s’hè spentu è ùn luccicheghja più.
A mancanza d’investimenti per l’intrattenimentu è a renuvazione è a mancanza di strumenti è di piani urbanistichi
necessarii per u so sviluppu, facenu di Montegrossu una cumuna assai assai puvera.
Tandu, parleremu à partesi di u mese d’aprile di dui cartulari impurtantissimi :

I lavori primurosi è l’acconciu di u territoriu :

I LAVORI URGENTI : in settanta anni i nostri trè paesi ùn anu vistu chè sei cantieri maiò !
In l’anni 50, u ristoru di a chjesa di Montemaiò, l’arricamente di l’acqua è l’impianti di i fogni.
In l’anni 70, a creazione di a strada in piaghja, a rifacitura di a strada di Montemaiò sin’à Cassanu.
In l’anni 90, a catramatura di a strada di u campusantu è a custruzzione d’un vascone d’acqua in Cassanu.
Oghje, avemu l’ubligazione di purtà nant’à tutta a cumuna, prughjetti di cunfurmità è di rimpiazzamenti
di e stallazione vechje. Duveremu dinù rende sicure, parechje opere murate diventate frolle, fà impurtanti
travagli per caccià certi casamenti di l’acqua è assudà ò rifà parechji muri sustinitoghji ò muragliette in
petre.
Hè bella capita chì quand’ellu si vede u ritardu presu dapoi anni è anni, i lavori maiò ch’ellu ci vulerà à fà, è
u prezzu d’issi lavori, ùn si puderà micca fà tuttu à u listessu tempu. I lavori i più cari saranu attimpati.
Ma certe opere duveranu esse fatte incù primura !!

L’ACQUA È U SO RASINAMENTU : devenu esse riviste è fatte per i trè paesi è a so pianura.
A SECURITÀ DI E PERSONNE deverà esse assicurata :


Rialzamentu di e spallette in petre nant’à e notre piazze.



Rifezzione di u muru sustinitoghju à a scola di Cassanu.



Supprissione di i tuffoni chì sò nant’à parechji lochi di e nostre strade.



Aspettendu e rifezzione di e nostre piazze è carrughji chì si feranu pocu à pocu, secondu à i lavori di
creazione di e rete d’acqua, i tuffoni saranu tuppati. È certi passaghji o camini, dumanderanu una
reflessione più larga.

U RISTORU DI U NOSTRU PATRIMONIU RILIGIOSU chì si ne và oghje à caternu.
À Montemaiò u riffatura sana di u tettu di a ghjesa Sant’Augustinu. Ci sò infiltrazioni impurtantissimi chì
rendenu debule l’afiancatura di e volte è di a curnice.
A riffatura di u fruntone in petre di a capela San Ghjiseppu chì hà da sprufundà si.
A riffatura di u tettu di a capela Santu Rainier, e tecule chì sò fallate lascianu entre l’acqua.
À Cassanu, a riffatura di u tettu di a cunfraternu, l’acqua chì falla cagiuna guasti maiò.
À Lunghignanu, trattamentu di e rialzate d’acque chì cagiunanu gasti ind’è u pavimentu di a ghjesia San Vitu
è di a cunfraterna, è stallazione di l’eletricittà.
Tutte isse opere maiò di ristoru seranu stabilite per ordine di priurità ind’è un prugrammu nant’à parechji
anni è un bugettu previsiunale. U primu scopu hè d’ùn fà cresce l’impusiti di a cumuna fendu dumande di
suvvenzione (Europa, statu, cunsigliu generale…)

L’ACONCIU DI U TERRITORIU postu ch’ellu ùn c’hè un documentu urbanisticu.
A squadra d’urganisazione di u territoriu travaglierà per pruduce documenti urbanistichi maiò per un
sviluppu armunizatu di i paesi, di i spazi trà i « inter-paesi », è per un svulippu ammaestratu è precisu di a
piaghja. U sviluppu di a piaghja deve veramente esse curatu per pruteghje e terre agricule è per pudè dà
li un veru prugrammu per l’avvene.
I LIGAMI SUCIALI, sopratuttu per i notri anziani, I PRUGRAMMI PER A SCOLA, A CULTURA, U PATRIMONIU
è U TURISMU ùn seranu sminticati. A vita in lea cù l’ASSOCII serà appughjata è aiutata.
Per finì, ci vulerà à pinsà tutti inseme à creà nove operazioni per a pratica d’attività culturale è per a pratica
di u sport. Ci vulerà dinù à incuraghjisce tuttu ciò chì purterà creazione d’impieghi per a nostra ghjuventù.
Issu prugrammu hè di primura per l’avvene di a nostra cumuna è di i nostri ghjovani è serà fattu senza
cappià a ghjestione di a vita d’ogni ghjornu di a cumuna, ghjestione chì serà muderna è efficace.
E personne elette SERANU SPESSU À A MERRIA, per pudè esse in cuntattu direttu incù a ghjente è purtà
risposte rapide adduprendu mezzi di cumunicazione d’avà è tene a ghjente à capu.
A SQUADRA DI MONTEGROSSU DUMANE vole purtà tutti isssi prughjetti di manera franc’è chjara è gruppi
di discussione so dighjià stati messi in ballu sottu à a mo respunsabilità.

Iss’incumbenza hè maiò, a riuscita hè pussibile è I prughjetti per Montegrossu ponu esse purtati cù a lista
di MONTEGROSSU DUMANE fatta di :
FRANCHI Augustin, AGOSTINI José, BELLION Marylène, BIANCONI Olivier, D’ORIANO NICOLAS, DURAND-LUCIANI
Joséphine, EMMANUELLI Jean Michel, FILIPPI Danièle, ORLANDINI Dominique, ORTICONI-GIGANTEI Marie
Françoise, ROSSI Alixia.
E pruposte d’ogni gruppu di travagliu vi seranu date in e prussime lettere d’infurmazione.

Truvate ci nant’à facebook : https://www.facebook.com/montegrossu.dumane.3


MONTEGROSSU DUMANE Siconda lettera.pdf - page 1/2
MONTEGROSSU DUMANE Siconda lettera.pdf - page 2/2


Télécharger le fichier (PDF)

MONTEGROSSU DUMANE Siconda lettera.pdf (PDF, 829 Ko)

Télécharger
Formats alternatifs: ZIP







Documents similaires


montegrossu dumane siconda lettera
montegrossu dumane prima lettera
terza lettera
montegrossu dumane premiere lettre
montegrossu dumane lettre 3
montegrossu dumane lettre 2

Sur le même sujet..