Fichier PDF

Partagez, hébergez et archivez facilement vos documents au format PDF

Partager un fichier Mes fichiers Boite à outils PDF Recherche Aide Contact



2 % de mes poemes chemlal .pdf



Nom original: 2 % de mes poemes chemlal.pdf
Titre: Samir Cemlal
Auteur: yassine

Ce document au format PDF 1.5 a été généré par Microsoft® Office Word 2007, et a été envoyé sur fichier-pdf.fr le 13/06/2018 à 21:25, depuis l'adresse IP 77.205.x.x. La présente page de téléchargement du fichier a été vue 201 fois.
Taille du document: 521 Ko (37 pages).
Confidentialité: fichier public




Télécharger le fichier (PDF)









Aperçu du document


Samir Cemlal

5

Samir Cemlal

Nedder nemmut

Nedder nemmut
Nemmut nedder
Netteder nẓerr

Imda ad welliɣ d ameẓẓyan

Mda ayirni yellu (Rebbi sebḥanu) qič seg ussan

Ad ẓẓuɣ hanewwart1 ɣef tandell

Ɣef meɛzuz i ruḥen udiwellan (Baba Rebbi ahyerḥem)

Id yeǧǧin awal yessawal d uzzal

Uhireẓmen ad iẓer am wid ihennan2.

***************
Nedder nemmut
Nemmut nedder
Netteder nẓerr
6

Samir Cemlal

1

Taǧeǧǧit

2

Walan

Ma ad welliɣ d ameẓyan

Mda ayirni yellu1 qič seg ussan

Ad aɣeɣ fus n yewdan yeḥlan

Yemma as-uceɣ s ɣri agellan

Idem-inu idem iẓewṛan

Haxet ul-inu yeṛẓem2 d ameqran.

*******

Nedder nemmut
Nemmut nedder
Netteder nẓerr

Ma ad welliɣ d ameẓyan

Mda ayirni yellu qič seg ussan
7

Samir Cemlal
1

Rebbi

2

Yeldi

Utettuɣ c ayetmatneɣ imuḍan

Ayetmatneɣ imuḍan i gettmettan

I yellan ṭṭfen imukan

Ya Rebbi ya yellu asirem at yella deg ulawen

Tfufect1 ur txessi c fell-asen.
***********

Nemmut nedder

Netteder nẓerr

Ma ad welliɣ d ameẓyan

Mda ayirni yellu qič seg ussan

Ad ẓẓuɣ tanewwart ad aɣeɣ fus utettuɣ c ayetmatneɣ
8

Samir Cemlal

Ma nemmut yeqqim wawal iṛeẓẓ uzzal.
1

Tafat

Ya d yyin

Les uns les Autre

ya d yyin

Eǧǧit-aneɣ

Henɣim-aneɣ

Yeqqur waneɣ

Slit-aneɣ

Snit-aneɣ.

*********

Les uns les Autre

9

Samir Cemlal
ya d yyin

Ma nutlay yeqqur waneɣ

Ma nessusem mda netwaneɣ

Necni nessniken ssnit-aneɣ

Necni neslawen slit-aneɣ.

*******

Les uns les Autre

ya d yyin

Imeqranen ṣṣaḍaṣen
Imeẓyanen d imaṭṭaṣen
Imizrayen1 tɛeyyaḍen

Hilmawen tcewwaḍen.

*******

10

Samir Cemlal
Les uns les Autre

ya d yyin

Si nella nzelli nessmezlay

Amizray ur tetteǧǧan c ad yutlay

Azewwar2 yeččur yesseɣlay

Ameɣbun yessmir yessefsay.

********

A les uns

A ya
1

Uḥdiq

2

Amerkanṭi

Qqaren di ddin yella

Aɣanen akk ass yella

Anɛat n tẓallit a f igettutla
11

Samir Cemlal

Wa yeẓra niɣ yesla.

************

A les uns

A ya

Iwdan ɣer uyur ulyen

Hiẓra yin-asen allen

Di jar-asen tmeslayen

Leɛbad si leɛbad srayen.

*********
Les Autre

A yyin

A udiḥlin c ssadafen-d di-s

12

Samir Cemlal
Imuzziren d ssida d ttifis

Lmeqsert n yiḍ manis id huɣa manis

Ilem yefsed memmi yerni memmi-s.

************

Les uns les Autre

ya d yyin

Wa yiliɣ ɣef tmaziɣt ayiliɣ

Amizray s wallen ẓṛiɣ

Hẓallit d uɣerbaz ur teǧǧiɣ
Ama i gella memmi-s umaziɣ.

Annutla

Annutla ɣef umezruy n tmurt

D umezgun yefla d tassut
13

Samir Cemlal

Laɣiɣ-c-d tesseɣdiday-d

Akkiniɣ awal tessiwliday-d

La tettu c uma-k tlaɣiday-d.

************

Annutla ɣef umezruy n tmurt

D umezgun yefla d tassut

Uyiren nuyir di-s

Dzayer si-s hlul-d si-s

Uhella tmarjit s yiman-is

Si nbettu nessery lhem si-s.

Utin yergazen deg ɣeẓṛan

S lbaṛuḍ deg ɛeṛqab yeɛlan
14

Samir Cemlal

Si wember ɣer yulyez yebhan

Amelyun d wezyen mmuten.

Yelli-s n Zabana maɛur
D yelli-s n Ɛmiruc ameqran

D yelli-s n Ben Bulɛid d Ɛebbas Leɣrur

Mmuten f tmurt-nsen.

*********

Yell-is uɛerqub1 n wedrar

Ixef-nnem deg jenna yetɛlan

Yell-is n ḥasiba ben ɛemmar

Iyya igemmuten mammek llan.

**********

15

Samir Cemlal
Utin ɣef tmurt-nnem

Utin irgazen d tsednan

Utin ɣef tmurt-nnem

1

Idurar

Hilid iman-nnem d amezyan.

Rebbi serḥem fell-as

Wa i yemmuten d ayetm-as

Utin ɣef tmurt ččin fell-as amessas

Ucin idem d uqerṭaṣ.

*********

Ẓṛin ud ẓṛin ɣef tmurt

ččin fell-as amessas

Ca yeǧǧa harwa-nnes
16

Samir Cemlal

Ca yeǧǧa yemma-s d baba-s.

************

Wa i yemmuten ɣef dzayer-nnes

Deg cal nɣeṭṭ-as

Yella deg ul akk ass

Yutla umezruy fell-as.

***********

Wa iggedren hat yedr-as

Hamurt-nnes ibedd-as

Yutla ɣer memm-is uyenn-as

Amezruy-nnek snas.

**********
17

Samir Cemlal

Iyya n tmeddurt snin-ay

Uma n murt yeẓray

Iles-inu seg ul yenn-ay
Yemma welma uma hat yeslay.
***********

Yect n wawal I ɣen-ijemlen

Ur nrezzem deg imawen-nneɣ uɣen-reẓẓen

Irgazen hahen bedden

S yedbiren s isefra as nmerden.

***********

Di leslam nella

Awal nenna-t ur nettwella

Uma mani gella
18

Samir Cemlal

Annini wanɛeyyeḍ ami nella.

**********
Ddzayer-nneɣ s tnewwarin

Zik d imira d imerdin

Ẓdin s iẓewran ẓdin

Necni neẓṛa iwdan ẓṛin.

********

Ameqran fell-as yemmut
Yeqqim bab umezyan

Ameqran yuta f tmurt

Imira ad adfen waman.

**********

Refdet dzayer s ufus
19

Samir Cemlal

La ɛefset c s iḍarren

ɣef ayetm-ak la skerkus1
La twaɛɛa ɣer ul-awen.
*********
1

Tkiddib

Ddzayer heched s uḍaḍ

Ccahid yemmut yetɛeyyaḍ

Necni netṛaɛa wa ggetɣaḍ yetɣaḍ

Ameṭṭaw seg ilem yehwad yeẓẓaḍ.

*********
D amziɣ d aɛrab d jazayri ay lliɣ

Hamurt-inu ur tetteǧǧiɣ ur tetteǧǧiɣ

Uma maziɣ uma aɛrab laɣiɣ

Fus deg fus wa d-iniɣ ad iniɣ d jazayri ay lliɣ.

**********
20

Samir Cemlal
Hafukt
Hafukt1 yeḍwan
Deg ass n tefswin i yeḥlan
Matta i yellan di-s iban iban
S leḥṛuf n wureɣ ad nektben
Di ṭaṣili neqcen di teẓrut
Aɛeǧǧaj d uɣebbar ad temḥan
Ttifineɣ tella ɣef tmurt iɛussit Rebbi ameqran
Deg-s hcawit si Lewras,Celya d icemmul i yeɛlan
Umlebwaqi nutla fell-as fell-as, xelli irgazen d tisednan
Taqbaylit si Leqbayel ur ǧǧiɣ
Ayetma si ǧǧerjer bedden
Arju a yaqcic ad d-samiɣ ad nutla ɣef wa id d-yusin d wa iɛeddan
Yenna umẓabi di Ɣerdaya lliɣ lliɣ d laṣel ur teteǧǧan.

Ka d ku d kik
Hutlayt-aya at nnek
Bedd uma-k hat yebrek
********
Ka d ku d kik
Mamek as teḍra mamek
Bedd uma-k hat yebrek
********
Uma-k at iwella am yefker
21

Samir Cemlal
Ma tkennid sma-nes ad yeffer
Di teẓrut yeɣber wa yedduyet wa yesker
Bedd uma-k hat yebrek
*********
Ka d ku d kik
Ca yekkerker am yewdan
Maziɣ yuta s iẓewran
Ikeslan mani i wellan
Arr mammek i steḍra mammek
Mayes ures
Bedd uma-k hat yebrek.

Hmaziɣt d tafukt yeḍwan
Hmaziɣt d tafukt yeḍwan
Deg wass n feswin yeḥlan
Matta yellan di-s iban iban
S leḥṛuf n wuṛeɣ1 ketben
Di ṭṭaṣili neqqcen di teẓrut
Aɛejjaj d iɣebbaren ur tenmeḥḥan
1

Ddheb

Utella ɣef tmurt iɛus-it Rebbi ameqṛan
Di-s hcawit si Lewras Celya d Iccmmul
Umlebwaqi matta fell-as fell-as

22

Samir Cemlal
Xenecla irgazen di-s llan
Haqbaylit si leqbayel ur ǧǧiɣ
Ayetma di ǧerǧer a yellan
Arju a yaqcic ad d-samiɣ
Annenceṛ wa i d-yusin d wa iɛeddan
Yenna ucenwi di tipaẓa lliɣ
Azul fell-awen ayetma imaziɣen
D ucelḥi si Waregla yesla
yeqqar-awen bedd-t ad d-nuɛa iẓuran
d wemẓabi di Ɣerdaya yella yella
Ddin d laṣel ur tetteǧǧan
D utergi deg aheggar deg jenna yeɛla
Hutlayt d waṛuḍ ay ɛeddan iɛedda
Hmaziɣt ur tetteǧǧan ur tetteǧǧan
Agellan di-s yella
Hmaziɣt ẓriɣ-t
Deg yidem-inu ufiɣ-t
Ixef-inu deg jenna ɣef tmaziɣt
Ul-inu yettɣenna laṣel-inu d maziɣ
Aɛeqqa-inu1 yetthenna zad n yimaziɣen
Ul-inu yethanna necni d icaweyen
1

Tiṭ

Sliɣ ur sliɣ belli nella ur nelli
Nella hanecnak ur nelli aliɣef.

23

Samir Cemlal

D Imaziɣen
D imaziɣen d imaziɣen
Hmaziɣt si-s id d-qqerṣeɣ
Hutlayt n Dadda d baba-s n Dadda d Baba
D imaziɣen.

Hmaziɣt si-s id d-qqerṣeɣ
Hutlayt n Masinisa d Yuɣurṭa d Dihya d Yemma
D imaziɣen.

Nettat d amezruy nettat
Nettat fell-aneɣ d lgerret teččat
Rewlet-as a ya utixsen c s szat
D tazɣant wi sitrajan
D imaziɣen.

Ad neṛẓem ameslay1 di Dzayer tamurt-inu d kenwi
Ad neṛẓem amṛaɛi2 di dzayer tamurt-inu d kenwi
Mani i gella weqbayli d wemẓabi d utergi d ucawi
A yemma a wma a welma hutlayt-neɣ hetwawi
Maɣef d imaziɣen.

Haɣbirt i ggelsen ddzayer-inu d kenwi
24

Samir Cemlal
Aɣerbaz s yemran-nnes d kenwi
Maɣef d imaziɣen.

D necni ur yellin c niɣ d kenwi i ɣen-yujren
A yudan n tmurt a hen xsen aɣ-neṛẓen
ɣer-neɣ leflam ɣer-neɣ hisfifin irgazen bedden
melmi ad dɛeddan deg meslay gguman ad ten-ǧǧen
melmi ad dɛeddan deg mṛaɛi gguman ad ten-ǧǧen
maɣef d imaziɣen.

Henna-m wid i geddren jaṛ yudan iwella seg-sen
Nehni ddren jar-aneɣ iseggasen
1

Rradyu

2

Tiliẓṛiɣ

qqimen am dada-t-sen am memmi-t-sen
maɣef d imaziɣen.

Imir-a a yimaziɣen a yudan yect si senn
Ad nali ɣer umezgun n meddurt
Niɣ ad nedda wa ad nettu ad nemmut
maɣef d imaziɣen.

Wa yiliɣ ɣef Medɣasen1 wa yiliɣ
Ṭimgad1 a yudan yexḍa-neɣ
Wa yiliɣ ɣef Ɣufi wa yiliɣ
25

Samir Cemlal
Jjmila1 a yudan texḍa-neɣ
Wa yiliɣ ɣef Tamenɣast1 wa yiliɣ
Lumbaẓ1 a yudan yexḍa-neɣ
Hrefdem aɣ-nixḍan
Nexḍa d aɛṛaben
Nexḍa d ṛṛuman
Necni heǧǧim-aneɣ
maɣef d imaziɣen.

Maɣef ur hedneɛɛtem c Meɛtub Lwennas
Maɣef ur hedneɛɛtem c Men gellat d Takfarinas
Maɣef ur hedneɛɛtem c Mihub2 d Ɛmiruc2
1

Ismawen n imukan

2

D icennayen icaweyyen

Jamal ṣabri deg udan ur t-netettu c
maɣef d imaziɣen.

Icenweyen d icelḥeyen d imedyazen iẓuṛan
D lemẓaba d ttwareg iwdan mani llan
maɣef d imaziɣen.

Ma yutla s taɛṛabt s tṛumit ad tesɛddan
Ma yutla s tmaziɣt ur teteǧǧan ur teteǧǧan
maɣef d imaziɣen.

26

Samir Cemlal
Ad tinid llan yiḍ si-neɣ uɣ nexsan
Lllan weɛan abeṛṛani yi fuma-tsen
Ttawin-aneɣ aɣ-nixḍan
Wa tutlayen s yiles-nsen
Yyay usuṛdi niɣ allen-nsen d ilmawen
maɣef d imaziɣen.

Ma nussed ad nuɛa hutlayt n uẓemmur
Ma nused ad nuɛa Ɣufi mamek i nella zik neggur
Ad d-nuɛa Balul d Tamenɣast hamurt teččur
Ad inin kkefrem haɛṛabt-neɣ ur txes c ad tessur
maɣef d imaziɣen.

Areḥbi1
Areḥbi a yudan at nneɣ
Hiqeṣbin xḍan-aneɣ
Hrefdem aɣen-ixḍan
Necni heǧǧim-aneɣ
Wi yellan yeqqeṛs-d ssi-neɣ
Hettum-t hettum-aneɣ
Areḥbi a yudan at nneɣ.

Seɣd-t hrefdem si-s
27

Samir Cemlal
Ak-neɛteɣ qqar c ssneɣ
Latɣanan c qqar c mani-s
Ssen hcawit-nnek
1

Ccna aqbur n yicaweyen

D umezruy d isem-nnes
Rfed awal-nek
Haqṣebt ǧǧaneɣ si-s
Areḥbi a yudan at nneɣ.

Ma heǧǧ-im hiqeṣbin
Ayt bab-nsen llan llan
Xḍan d icaweyen
Nessnihen wugessnen
Duṛu ur tessineɣ ur teẓriɣ
Tṛaɛa-m ma d allen
Heǧǧim-hen ad ruhen
Beɛd-t-asen ad mmten
Areḥbi a yudan at nneɣ.

Harwiwin-nsen ssɣaden iberranyen
Necni nessɣad i hqaṣbin
Nessɣad i leɣna-nsen
Nehni ur sesɣaden
Am necni nettebaɛ-ihen
Unessɣad deg alus-nsen
28

Samir Cemlal
Areḥbi a yudan at nneɣ.

Ma neɛteɣ icaweyen
ilmawen xsen ay uten
Hutlayt-nsen axeǧǧif d ixertisen
Ma neɛteɣ i caweyen
Imuzrawen xseɣ ad ẓren
Hutlayt-nsen ur teǧǧan
S wallen-nsen ahen ḥerzen
Areḥbi a yudan at nneɣ.

Hiqeṣbin d tqeṛɛit
D pataks imezyanen
Haṛeqqast tcawit
D teɣrabt iburten
ṣṣuṛdi-inu hewwi-t
d ddrari ahen fessden
uma-inu hessmuc-it
d isaffen heffen
Areḥbi a yudan at nneɣ.

Ttwareg s tindi-nsen
Necni uma yexday
Lemẓaba ah nessnen
29

Samir Cemlal
Necni uma yteṛẓ-ay
Leqbayel ahen bedden
Nec memmi irwel-ay
Icaweyen d imelyan
Acelḥi d ucenwi yesl-ay
Areḥbi a yudan at nneɣ.

Nerwel si-s leḥqen-aneɣ
Haɛrabt ssidfen-d di-s
Nerwel yi-s leḥqen-aneɣ
Yelma awma ttifis
Nella areḥbi n tqerɛit
D paṭaks n yimezzyanen
Haṛeqqast tcawit
Haɛrabt i hellaweyyen
Areḥbi a yudan at nneɣ.

Wa i yettɣaḍen imeẓyanen
Fessden-hen imeqqranen
Imizrayen tɛeyyaḍen kettben
Imizrayen tɛeyyaḍen neɛten
Imawen ahen neɛɛten
Ddrari s tnewwarin
Si hmurt xsen ad rewlen
30

Samir Cemlal
Hihyuyin d tiqeyyaṛin
Imeṭṭawen d idammen
Areḥbi a yudan at nneɣ.

Anali imula
Anali imula1
Wa ad niyy taɛlula
Wa ad nekkes ɣef ula
At yeččur.

Yemma uɛa-d fell-a
Inni-ay amek i tella
Am zik ad nwella
Mamek i neggur
Mani i yellan ussan
Ussan n zik.
Nella zik nettirar

1

Lɣaba yeɛlan

Ass d azeyrar
Nnetteɛ idurar
Hameddurt hiẓiḍ
Yennar d furar
Brir s nnewaṛ
Yulyu deg cercar

31

Samir Cemlal
Wenber s ugelir.

Hebdu-d hmenzut
Hametna hattut
Hanekrez hamurt
Hateẓẓu wa tteɣmi.

Hajrest hemmut
Adfel d tassut
Hizedmin di klut
Hafsut mani.

Hifeswin ttrajan
Iɣeẓran d aman
Fsin d ideflawen
Nnewaṛ yeɣmi-d
Anebdu yeḥman
Himẓin d irden
Aṛmun d imeččan1.

Aheẓṛiḍ zik
Ini-yas i memmi-k
Hernid i yelli-k
bacan ad ssnen
32

Samir Cemlal
ad refden awal
d tidet ucal
amezruy ad iban
iwdan ad slen.

s umeṭṭaw iliɣ
fell-awen laɣiɣ
ad d-hasem ad rajiɣ
ay ftiɣ wa yiliɣ
aẓweṛ umaziɣ
jjuleɣ uheǧǧiɣ
ɛeyyḍeɣ ulaɣiɣ
neč d maziɣ.

yemma uɛa-d fell-a
ini-ay amek i tella
am zik ad nwella

Aseggas ameggaz

Aseggas ameggaz
Aseggas ameggaz yerni
S yennar d furar yeɣli
Aseggas yebdu-d
33

Samir Cemlal
Aseggas ameggaz yernu-d
Aseggas yebdu-d s tejrest
Hessqeḍ s ideflawen d iṣemmiḍen
Hafsut tettabed deg ɣess
Aman deg ɣeẓran ttazalen
Anebdu yeḥman
Zhan yewdan s tmeɣriwin
Yemma wa ggiẓiḍen
Hamenzut xxelded a yudan
Hamurt ad tekrez wa ad teẓẓu
Wa ad d-yezli useggas ameggaz
Bedd fell-ak a yargaz
Aseggas ameggaz yerni
S yennar d furar yeɣli
Aseggas ameggaz.

Seɣd-aya1
Ma utliɣ ɣef tmeddurt-inu
Mamek ad bduɣ mamek ad iniɣ
Seɣdaya weslaya weǧǧaya.

1

Sḥess-aya

Xseɣ lkahina ul-inu yexs daya

34

Samir Cemlal
Awal n umaziɣ wtessnedaya
Seɣd-aya wesl-aya weǧǧ-aya.

Ass seg ussan nemmselqa nutlaya
ṛaɛiɣ-as ɣer wudem nniɣ-as w henna-ya
Seɣd-aya wesl-aya weǧǧ-aya.

Nniɣ-as xseɣ-cem w hcehl-aya
ṭṭfeɣ-as deg fus fus ɣer wul-aya
Seɣd-aya wesl-aya weǧǧ-aya.

Wwiɣ-t recleɣ-t zhan wussan al wass-aya
Ttɣennan tsednan usin-d s yay d syaya
Seɣd-aya wesl-aya weǧǧ-aya.

Irgazen d wawmaten bedden fell-aneɣ fell-aya
D lbaṛuḍ yeččur ajenna yẓẓaḍ yessrebzaya
Seɣd-aya wesl-aya weǧǧ-aya.

ɛeddan wussan ẓriɣ-t w heẓr-aya
nutla w nenna neɛtiɣ-as u hneɛt-aya
Seɣd-aya wesl-aya weǧǧ-aya.
35

Samir Cemlal

Ass mani i nniɣ ya Yellu ffer-it w ffer-aya
Yexs uḥellaq hemmut welma-s heǧǧ-it w heǧǧ-aya
Seɣd-aya wesl-aya weǧǧ-aya.

Ɛida mani tellid ad d-heǧǧgid ad yeqqim daya
Anṛaɛa ɣer-s seg u lameṭṭaw yessilaya
Seɣd-aya wesl-aya weǧǧ-aya.

Ad nkemmel fell-am a welma hesslemdidaya
Neč d lkahina ul ɣef ul yessefsaya
Seɣd-aya wesl-aya weǧǧ-aya.

Yus-d Yuba yeṣṣber Ayyubaya
Yuzzel uneẓra memmi d ameẓyan yeɣnaya
Seɣd-aya wesl-aya weǧǧ-aya.

Uyern-id unezyum n ɛemmi-s fellaya
D welma d tamezyan mdan uneṭlen am wass-aya
Seɣd-aya wesl-aya weǧǧ-aya.

Nbedd habeddit imeṭṭawen hseffḍ-aya
Imeṭṭa ɣef ifassen hirrugza hudfaya
Seɣd-aya wesl-aya weǧǧ-aya.
36

Samir Cemlal

ɣer wass iruḥen Yuba d yemma-s ǧǧin-aya
hamurt haberranit yexḍan xxḍaya
hamurt n yudan ur tnexs hlezmaya
ruḥeɣ ɣer-sen utliɣ ɣer-sen zzriɣ-ten nniɣ-as uhennaya
hamurt n yudan hrefd-aya w hamurt-inu heǧǧa-aya
Seɣd-aya wesl-aya weǧǧ-aya.

Fransa hewwi hemeṭṭut d memmi hewyaya
Dzayer-inu hamurt-inu heǧǧaya
Maɣef hamurt-inu heǧǧaya
A Ranida1 yelli semḥaya
Ad utliɣ ɣer-m siwel siwel-aya
Seɣd-aya wesl-aya weǧǧ-aya.

Uyireɣ ɣer-sen ǧǧiɣ aɣellaya
yemma hemeɛzuzt d ayetma urenaya
Seɣd-aya wesl-aya weǧǧ-aya.

D iwdan i yisnen s yay d syaya
ɛemmi Xali wa d win iqerbaya semḥaya
Seɣd-aya wesl-aya weǧǧ-aya.

1

Yelli-s n Samir (amedyaz)

37

Samir Cemlal
Imeṭṭawen

Imeṭṭawen
Bḍan wawmaten
Rnin mmuten
Imezyanen twaɛerraqen
Imeqranen mmuten
Hwan-d imeṭṭawen.

Hwan-d1 ɣef imaggen
Uzzlen s yidammen
Mḥan wulawen
Kerfen walsawen
1

Ṣubben-d

Hwan-d imeṭṭawen.

Llan d awmaten
Mmeṭṭafen s yifassen
Talwizt ad tebḍan ɣef senn
Hwan-d imeṭṭawen.

Ččin si tict n teṛbut
Am wergaz am tmeṭṭut
Sseryen-d aman si teẓṛut
38

Samir Cemlal
Herni hmetna1 ad tut
Hwan-d imeṭṭawen.

Hawmat i gessusimen
Ma yuɣic yexf n usennan
Irgazen da iyettwasanen
Di hyara-nek ahen bedden
Hwan-d imeṭṭawen.

Xeden-d iɛerraqen
Bdun fessden di-sen
Neɛɛten-asen ddhan
Tseqqan-asen s waman
Hwan-d imeṭṭawen.
1

Ageffur

Udfen-asen ul-awen
Llɣen-asen hiṭṭawin
Ulyen-aneɣ ɣer usawen
Uɣin abrid i ɛesren
Hwan-d imeṭṭawen.

Necni nessen ur nessin
Nihni ssnen ssnen
Necni s tutlayt i fessen
Nehni fell-aneɣ ɛeffsen
39

Samir Cemlal
Hwan-d imeṭṭawen.

Nella d awmaten
Rewlen nehni s senn
Wellan mmuten
Nehni di jar-atsen
Hwan-d imeṭṭawen.

Neč traɛiɣ ɣer-sen
Xseɣ ad bbiɣ jar n senn
Ur yeǧǧin imeṭṭawen
Ifassen-inu kerfen
Hwan-d imeṭṭawen.

Bdun tnuɣen
Idurar mmentaɛen
Mmerfaden ixedmeyyen
Ah ad msenɣen
Hwan-d imeṭṭawen.

A yellan at yella
ɣer wa iɛeddan ur ditwella
ad nayem mamek i nella
ad denɛawed mamek i nella
40

Samir Cemlal
Hwan-d imeṭṭawen.

Abrid anemmas d abrid-inu
Helmusen d imeṭṭawen n wul
S umezruy n Dzayer hamurt-inu
D tẓallit fell-as nejjul
Hwan-d imeṭṭawen.

41


Documents similaires


Fichier PDF 2   de mes poemes chemlal
Fichier PDF ay isem azizen a yemma
Fichier PDF baba carlu
Fichier PDF 077 mohand djeghali sofiane sellah
Fichier PDF agellid akked yineffuten yelhan
Fichier PDF iij bu tcerket   sur aher aut tasuqilt


Sur le même sujet..