Fonnkër Tan an kïdbol. Patrick Cazanove

Patrick Cazanove
Tan an kïdbol
Tan an kïdbol lé in linvitassion
Bat le péi K-pon-sur-mèr
Kozman guérissër le tan dëvinër
An rézonanss dann léko boparl ër
Ritournèl le tan lé an kïdbol
La plui i kanik sï takon fèytol
La kaz i plër dann shapo son langa zh
Pou lër potodpor i giny la tranblad
Le sièl a blok an bagass i mënass
Vilinn briz la anmélé i grimass
Lorkès-la-mok lapré sèy rakordé
Pou kokolok in son kanar-tranpé
Astër in plui ak i tonm grodégou
Dëor dëdan i koul an flak l a bou
Dann dékor i mouy sak nana pou mouyé
I fouy partou nana la plass pou noiyé
Koulër kostar le tan lé an boukar 1
Fonnkozayé sonbliyé 2 i anmar
La plui i douy son digaz an ravazh
Son fangouni 3 la forsi an karnazh
Dann le krë piédkër bann bopart èr
La plui i plër in rivièr son matièr
I vèrss larm margoz-amèr an foutor
Bèl-bèl ronfman an kïdbol dann dékor
Gro grindplui i bat la mèr son kolër
Lavalass i ragoul la tèr pou fèr
Galangalangg bobèsh son dou ssivrèss
Maloya fonnkézèr an bob dann trist èss
1

Le tan lé maf, mavouz.
Isi, boushoné ou shifoné.
3
Koler i monte.
2

Bordmèr la maré lé kré dépité
Rouvèr lëzië anroshé dann le vré
Bagué dann linspirassion lanportman
Komsi dann lër le tan i kape kouran