BAT Ghjasè S07 Carta di ritiratu .pdf


Nom original: BAT Ghjasè S07 Carta di ritiratu.pdfTitre: GHJASEPPU POGGIOLI Quart - 07-03_Mise en page 1Auteur: Aurelia Ottavy

Ce document au format PDF 1.4 a été généré par QuarkXPress 8.15 / Acrobat Distiller 9.5.5 (Macintosh), et a été envoyé sur fichier-pdf.fr le 20/02/2017 à 17:58, depuis l'adresse IP 86.219.x.x. La présente page de téléchargement du fichier a été vue 564 fois.
Taille du document: 65 Ko (1 page).
Confidentialité: fichier public


Aperçu du document


H

UNA CARTA DI RITIRATU,
PÀ AIUTÀ I PIÙ TOCCHI DA A PRICARITÀ

à quasgi compiu u so raportu u
Prisidenti di l’Assemblea di
Corsica : sarà prisintatu à l’eletti
tarrituriali da quì à un mesi, è s’edd’hè
adupratu, pudaria essa sparghjata issa
carta à partasi d’aprili. Pirmittarà à
quasgi a mità di i Ritirati di pagà menu
caru i trasporti in un primu tempu è
dopu, a spera Jean­Guy Talamoni,
pudaria ancu ghjuvà pà l’Alimentariu è
l’attività culturali.
A l'iniziu di sta dimarchja : una vechja
rivindicazioni purtata da tutt'i muvimenti sindicali,
aduniti
in
una
Intersindicali.
Dumandaiani 50% di reduzioni à nantu
à i trasporti. Qualchì mesi fà, hè sciutu
da st’accolta l'Associu di i ritirati Corsi.
Hanni fattu a scelta l'anziani militanti di
u STC di travaddà novi dumandi, « più
faciuli » à essa validati. Sta pusizioni
avia missu in zerga l’altri sindicati.
In tantu, hà da escia sta carta, senza l’accunsenti
di tutti. Certi Sindicati vuliani chì i 75.000 ritirati
isulani l’avissini issa carta. A Cummissioni in carica
d’issu dispusitivu hà sceltu d’aiutà à i 35.000 chi
sò ind’a peghja situazioni. L’hà spiigata cusì :
• u cuntestu economicu ùn pirmittaria micca
d’aiutà à tutt’ognunu
• un sforzu cusì maiò di i puteri pubblichi pò aiutà
solu à i più disgraziati : « ci sò in Corsica parechji
ritirati chì hanni assai soldi, ed’ancu anziani PDG
chì toccani deci è quindici mila € ogni mesi » dici
Jean Guy Talamoni, « Quissi quì ùn hanni
bisognu d’una reduzioni pà viaghjà, è aiutà li ùn
hè micca a me visioni di a ghjustizia suciali »
35.000 ritirati sarani dunqua aiutati. Riprisentani
tutti quiddi chì hanni menu di un SMIC ogni mesi
in a so casa fiscali. Per avà t’avarani reduzioni à

nantu à tutt’i trasporti :
• pà l’Aerianu « bord­à­bord » pagariani 95 €
contra 160 € pà u prezu residenti
• pà u Marittimu, sariani calati i biglietti da 150 €
à 85 €
• d’altri prezi sò privisti pà u trenu è u bus, e dopu
si pudaria avè ancu prezi à nantu à l’alimentariu
et l’attività culturali

Chì ni dicini i sindicati ?
Pensani ch’issa missa in anda hè un passu maiò u
STC è a CFDT. Pà a CGT è l’intersindicali, ùn basta
micca.
Ferma puri un prublema maiò à nantu
à a scelta fatta di u primu critariu : incù
a casa fiscali, sarani lacati da cantu i
copii di ritirati. Quandu s’accuncia a
somma di dui picculi ritirati, un copiu
pudaria avè un pocu di più di 1400 €
ogni mesi, è dunqua ùn avarani più
drittu à a carta… mà sarani monda più
povari ch’una vidiva ò un celibatariu chì tocca iddu
1399 € solu.
Ci dici Jean Guy Talamoni chì ci vulia à piddà un
critariu. Ghjustifichighja issa scelta dicindu chì sò
monda più numarosi i ritirati à essa soli ò vidivi.
Hè veru : ci mosciani i statistichi chì una casa fiscali
riprisentaria in Corsica 1,2 ritiratu. Ci spiega dinò
chì si pudarà migliurà issu dispusitivu : prima, da
l’eletti tarrituriali nanzi ch’iddu sighi vutatu, è
dopu cù un’evaluazioni rigularia, chì pirmittaria à
l’Assemblea di Corsica di mudificà u serviziu, è
ancu a parti di i ritirati tocchi. Vidaremi comu
viaghjarà issu dispusitivu, è ciò chì diciarà a CTC à
l’aghjenti ind’a pricarità ch’ùn si pò aiutà…
Sin’à ‘ssu ghjornu, Wait & see
Ghjaseppu Poggioli


Aperçu du document BAT Ghjasè S07 Carta di ritiratu.pdf - page 1/1




Télécharger le fichier (PDF)


BAT Ghjasè S07 Carta di ritiratu.pdf (PDF, 65 Ko)

Télécharger
Formats alternatifs: ZIP



Documents similaires


bat ghjase s07 carta di ritiratu
bat ghjase s09 corsica innova
estatut per la lenga c rsa 1
projet jeunesse
piece jointe libecciata numero 6 impression numerique
montegrossu dumane prima lettera

Sur le même sujet..