BAT Ghjasè S09 Corsica Innova

CORSICA INNOVA : UNA OPARA MAIÒ PÀ SVILUPPÀ
L’INNOVAZIONI IN CORSICA.

L

ampata da ACG Management pocu fà,
Corsica Innova hè una chjama à
prughjetti. U so scopu hè d’aiutà trè à
cinqui impresi corsi ogni annu, cù un
invistimenti in u so capitali. A somma di i
soldi piazzati pudaria andà sin’à 500.000 €…
Comu nasci ‘ssu prughjettu ?
Ci hè in Francia dapò parechji anni un cuntestu
favurevuli à l’Innovazioni. Cù l’aiutu di i puteri
pubblichi, sò numarosi i dispusitivi missi in anda
pà sviluppà i startups è tutti’ssi novi settori d’attività.
L’esempiu un più putenti hè u FNA (Fonds national
d’amorçage) : criatu cù u prugramma
d’invistimenti d’avvena, hè dutatu di 600 millioni
d’euri pà aiutà i PME i più
interessanti. Viaghja
dapò u 2011 ‘ssu fondu,
mà ùn hà mai aiutatu
impresi isulani.
In Corsica, ancu s’edd’hè
dunqua più debbuli,
cresci dinò st’intaressu
pà l’Innuvazioni : l’incubatori Inizia, Corsican
Tech, Pepite, ecc… parechji strutturi s’impegnani
pà aiutà impresi è prughjetti chì toccani à ‘ssu
novu duminiu d’attività, cù sempri u stessu
prublema : costa cara l’Innuvazioni, ed’hè monda
difficiuli pà l’isulani d’andà à circà financiamenti…
“Si aucun fonds d'amorçage n'est jamais venu
financer en Corse, nous prenons le pari de miser
sur les jeunes entreprises insulaires, et c'est pour
cela que nous lançons cet appel à projets”
ci spiega Jean Savelli, risponsavuli d'affari indè
ACG Management, in carica di Corsica Innova.

Cosa hè ACG Management è com’hà da
viaghjà Corsica Innova ?
ACG hè un impresa spicialista dapò 15 anni di
l’invistimenti indì PME francesi. Cù Corsica
Innova, ACG spera pudè aiutà trè à cinqui impresi
da quì à a statina.

D’indù venani i soldi ?
Venani da i FIPs Corsi gestiti da ACG: sò fondi

d’invistimenti vicini. Emanani da personi fisichi
chì firmani cuntratti cù issi FIPs pà via d’intercessori
finanziarii, in ginirali banchi o consiglieri in
gistioni di patrimoniu.

Qual’hè chì pò candidatà ?
ACG cerca prughjetti chì toccani à l’Innovazioni,
ch’idda sighi à u liveddu di u pruduttu o di a
cummercialisazioni. Ci vola dinò un Business
model adattatu, è pudè muscià chì si pudarà
perenisà l’impresa. I candidati t’hanni sin’à u 15
di Marzu pà scriva si à nantu à u situ internet
www.corsicainnova.com.

Comu si passarà dopu ?
Ci sarà una prima selezioni à parta si di u 3
d’Aprili. Dopu, a squadra di ACG aiutarà à i
candidati, s’eddi n’hanni
bisognu, pà migliurà u so
prughjettu. In fina, ci
sarà un “Pitch Day” : issi
prughjetti
sarani
prisintati davanti à un
ghjuria cumpostu da
riprisintenti
d’ACG,
spicialisti di Startups è instituzionali. Issu ghjuria
scegliarà l’invistimenti d’ACG, chì sarani fatti da
quì à u mesi d’Aostu.

L’innovazioni in Corsica, difficiuli mà
pussibuli ?
Ci dici Jean Savelli chì t’hanni dighjà ricivutu
candidaturi interessanti. Si svilupparia dunqua
avà in Corsica una vera reta d’impresi è di
strutturi à prò di l’innovazioni.
Cù Corsica Innova è d’altri dispusitivi, da quì à
pocu, pò essa chì si cambiarà ‘ssa reta in un veru
ambiu pusitivu pà i startups… A spera u risponsavuli
d’affari d’ACG.
Un ecunumia corsa rilanciata da i novi tecnulugii ?
È PARCHÌ MICCA !

Sin’à ‘ssu ghjornu, torna una volta,
Wait & See.
Ghjaseppu Poggioli