Tufga Taneggarut (tullist) n Aït Kaci Mohamed Arab .pdf



Nom original: Tufga Taneggarut (tullist) n Aït Kaci Mohamed Arab.pdf
Titre: Tufga Taneggarut (tullist) n Aït Kaci Mohamed Arab
Auteur: tadut2006

Ce document au format PDF 1.4 a été généré par PDFCreator Version 1.2.2 / GPL Ghostscript 9.02, et a été envoyé sur fichier-pdf.fr le 01/04/2018 à 23:35, depuis l'adresse IP 81.57.x.x. La présente page de téléchargement du fichier a été vue 955 fois.
Taille du document: 237 Ko (40 pages).
Confidentialité: fichier public


Aperçu du document


Aït Kaci Mohamed Arab
Tufga Taneggarut
(tullist)
tullist)

Tizrigin Internet

Tufga taneggarut

T

ers-ed tmesrifegt di Lezzayer,
umbe d ugar n snat n swaye d
wezgen deg igenni; tamdint n
Tmenɣast teb ad aṭas. Issufeɣ-ed mass Qebbani aqerruy-is ur
nemciḍ ara si tewwurt. Iḥulfa s lḥal iqquẓbṛen di tmanaɣt akken
yeqquzbeṛ wul-is seg iḍelli mi s-ed-nnan belli mmi-s Ɛebd El
Ḥamid yemmut deg yiwet n txazabit.
Yewweḍ-as utiligram ɣef ṛṛeb a n tmeddit belli mmi-s
yemmut. Syin d tazla ɣer unafag (l’aeroport) akken ad d-yaf
timesrifegt ara t-id-yawin ɣer Lezzayer. Acu kan ayen ya reḍ
yark s uḥellel akked usqizeb deg-sen akken ad as-ed-ǧaben
amkan i wass-nni ur qbilen ara. Nnan-as-ed belli ussan-agi d
ussan n l id mači aṭas imukan i d-yettɣimin di tmesrifgin
yettawin s agafa n tmurt, imi tugti ixeddamen ttextiṛin le wacaṛ
akken ad ruḥen ad d-ẓren tiwaculin-nsen. Tettuɣal Tmenɣast
imir-en am temdint ǧǧan imawlan-is; yettrusu-d fell-as lweḥc.
Ass-a, tafejrit, iwweḍ-ed ɣer unafag, yurǧa ma yella ad yili
yiwen seg iminigen ur d-nettas ara di lawan. Dɣa dayen yeḍran.
yufa-d amkan di tmesrifegt-nni n tes a(9).
Tameṭṭut-is, yuɣ di tmenɣast imi din i tt-yessen, tebɣa ad dteddu yides. Acu kan netta yugi. Yenna-yas: “kem ur tes iḍ-ara
2

lekwaɣeḍ, lemmer ad am-faqen ad kem-arren ɣer (Mali), ternuḍas ilaq a d-telhuḍ di snat yessi timectaḥ imi ur zmireɣ ara a tentǧǧeɣ weḥedsent”.
Yeǧǧa-yas daɣen ttewṣaya i tmeṭṭut-is ad asen-tcegge
itiligramen i sin warraw-is. Ahat win yellan di l eskeṛ yezmer ad
as-ed sarḥen si lkaziṛna. wannag win yellan di Marikan, ur
yumin ara yezmer yewwas ad d-yuɣal. Ɣef ayagi i s-yenna i
tmeṭṭut-is ad asen-taru belli dayen yettwanṭel gmat-nsen akken
ur d-tt ettiben ara iman-nsen. Imi ɣas ma yezmer ad d-yass win
yellan di l eskeṛ, baba-s yugad fell-as aṭas.
Taddart-nsen i d-yezgan nnig Lareb a Sidi Musa d yiwet n
taddart-tamdint anda lebni n llajuṛ ittsami-d lebni-nniḍen n llajuṛ.
Ixxamen maṛṛa ur kfin ara. Mazal-itt d acanṭi am Lezzayer
maṛṛa.
Seg asmi yettwaḥbes lbuṭ sɣur iserdasen u kksen aselway
n tmurt, i d-bdan cwalat di taddart-nsen. Tazwara lɣaci ur
fhimen ara acu i la iḍeṛṛun. Qqaren-as kra n wagguren kan ad
yuɣal wasif s amḍiq-is. Acu kan ussan wwin-ed ayen ɣef ur
yeḥtam yiwen. Bḍan imezdaɣ n taddart d tirebuya akken bḍan
yark lɣaci di tmurt. Wa yeqqar-as adabu-yagi, ḥala adebbuz ara
t-iɣeḍlen, wiyaḍ qqaren-asen: kenwi ad tekkem deg-s lemmer
ad tuɣalem deg umkan-is. Lḥasun ulac anwa iẓran acu-ten
wussan iberkanen i d-iteddun.
Isers mass Qebbani aqerruy-is ɣef tbankiṭ uṭaksi i t-yettawin
metwal Lareb a. Lemmer deg ussan nniḍen i d-yusa tili di lkaṛ
ara yeddu ɣer taddart imi ɣlay aṭas uṭaksi si Lezzayer ɣer din.
Iḍelli i s-ed-yerḍel um ellem-ines cwiṭ n tedrimt i s-ed yenna: “
fkiɣ-ak-ten.” Netta yerra-yas imir-en belli d areṭṭal kan, imi ur
yeḥmil ara ad d-yeṭṭef seg alba ḍ lḥaǧa. Yecmumeḥ-as-ed imiren uma lem-ines imi i t-yeẓra d yiwen uḥeqqi ur neḥmil ara ad
iɣaḍ ula d yiwen.
Seg asmi bel en lluzin n Meftaḥ i t-icegge yiwen seg
imeddukal-is n Bgayet ɣer emi-s yes an asensu di temdint n
Tmenɣast. Yufa-yas-ed amkan d a essas n yiḍ yettqabalen
ikliyuten i d-yettasen seg ugafa n tmurt, di tugti deg-sen. U dɣa
din i d-yemlal yiwet n targit mm wallen tizegzawin, yugar di
le meṛ ma drus xeṛsum s ecrin isseggasen. Nettat ur tes i la
3

lekwaɣeḍ wala imawlan. Imi d tarewla i d-tarwel si ṭrad akked
laẓ yellan di tniri. Ma d netta d yiwen iǧlen si tmeṭṭut-is seg acḥal
ayagi. Yes a sin warrac meqqren akked snat teḥdayin timectaḥ
i d-mazal ttidirent ar ɣur-es akked weqcic-agi yemmuten yemzel
di taddart.
Deg ubrid n Lareb a, ibaṛajen iserdasen wa yeṭṭafaṛ wayeḍ.
Iḥulfa i tidi mi t-teccef deg uzagur. Aẓɣal irgel-as anzaren-is,ulac
aṭas ubeḥri zdaxel uṭaksi. Ula d tiktiwin xeldent deg allaɣ-is.
Imektiyen ttemḍafaren am txellalin n zzeṛb iteqsen akk ičelliḥen
s tuccar-nsent taksumt talleqaqt n wul-is. Tteswiṛa n mmi-s
tettuɣal-ed s waṭas deg ilejlijen-agi-ines yukin. Lmut n mmi-s
tuqel-as am ujenwi deg iẓerman-is, iṛuḥ-as akka meẓẓi mebla
ma yenna-yas acu i s-yellan ɣef ul-is.
Armi d tura makka yemmut i iḥulfa acḥal i tyeḥmel.Wammag zik yettxemim fell-as d win yark ur nemmid
ara yark seg arraw-is. Imi d wagi, ɣas ma d netta i d amaẓuẓ, d
netta ur neǧǧuǧeg ara deg-sen. Ikcem si zik-is di tẓallit akken
kečmen wiyaḍ s ixeddim. Yerna-yas tasusmi n waṭas. Deg
uxxam, ad as-tiniḍ mači zdaxel i yella ɣas ma yella ur yeffiɣ ara;
ad d-yekcem am lexyal, ad yeffeɣ am lexyal; ur as-tselleḍ yettru
neɣ yettinẓif neɣ dɣa ad d-yecetki. Ḥala yemma-s ahat i iẓerren
anda yedda.Tikwal ad yinig ugar n smana, netta yiwen ur yeẓri.
Ad d-yekcem am umakraḍ qbala ɣer texxamt-is. Syin cwiya ad
as-slen cwiya ara yeqqaṛ s ṣṣut layen tiktabin-is yefruzza en di
taqa att.
Mass Qebbani ur da yettanef ara ad t eddi teswi t anda
yezmer ad t-yennaɣ, ur t-yennuɣ ara. Yeqqar-as: « tjebdeḍ
iman-ik ɣef uxxam am akken nekni nuḍen ajeǧǧiḍ, tettuḍ acu i
k-ed-yenna Ṛebbi ɣef imawlan d watmaten; muqel kan s
atmaten-ik imeqranen, di baṛṛa d iṭij ger lɣaci, deg wexxam d
aggur n tziri.»
Ladɣa seg asmi temmut yemmat-nsen, mzarabent tedyanin
yeḍran d i eggalen n tfamilt, anda ameqran irbeḥ-ed inig ɣer
Marikan di tseqaṛt-nni xeddmen yal asseggas imarikaniyen. Ma
yella d win yellan seddaw-as, wwin-t ɣer la skaṛ si tesdawit;
nnan-as la tregleḍ si la skaṛ asmi i k-teḥwaǧ tmurt. Ma d Ɛebd
el ḥamid ixdem yiwet n tḥanutt di Larb a n Sidi Musa anda
4

yeznuzuy lqez akked zagzag. Yuɣal d netta i yettqabalen
amesṛuf n wexxam teɣzi issegasen anda baba-s ur yufi yara
ixeddim. Werǧin i d-yenna “aḥ”. Yal taggara n waggur ad dyeddem tayemmust n yedrimen yettwaṭfen s lastik ad tt-yefk i
baba-s. U ɣas akken, ur iban acu n tyerrist i d-yegran ger-asen.
Ulac lehduṛ ger-asen, acu kan yuɣal baba-s ad t-yettqadaṛ
aṭas. Imi ula d gma-s yellan di Marikan d netta i t-i wnen tikelt
tamezwarut meqbel ad iṛuḥ. Ternuḍ yeṭṭhella aṭas di gma-s
yellan di l skeṛ, ičeggi -as sya ɣer da s wacu ara yembbiwel di
lkaziṛna. Izra gma-s d yiwen iḥemlen tiqaqayin akked lebsa
yelhan.
Ayen ye ṛeḍ ad yerẓ lḥiḍ yellan ger-asen, ur yessaweḍ ara.
Yuɣal-as mmi-s d yiwen n lǧar zdaxel n wexxam. Ɣas yella
umqadeṛ ger-asen, acu kan wa ur yeẓri acu yuɣen wayeḍ.
Ladɣa seg asmi yunag ɣer tmenɣast.Mmi-s yeqqim ad iqabel
taḥanutt-is, baba-s iṛuḥ ad inadi ɣef zheṛ-is. Netta mači d yiwen
iḥemmelen ad yekref ifassen-is. Iḥellel-it cwiṭ-nni yezmer ad
iḥellel akken ad yeddu yidsen. Aqcic s leqdeṛ, di kra imeslayen
meẓẓiyen, isefhem-as belli d awezɣi ad yeddu, neɣ ad yeǧǧ
lkumiṛs-ines.
Di qrad(3) isseggasen yerza ɣur-sen semmus (5) iberdan u
yal tikelt ittaǧa-yasen i watmaten-is s wacu ara s eddin taswi t.
Ladɣa tullas timectaḥ i wumi i d-yettaɣ yark leḥwal n lakul, si
tneǧart ar weqrab; iḥemmel-itent am yess-is. Acu kan netta d
baba-s, tesmeḍ-nni, yellan ger-asen si zik, mazal-itt teṭṭef tasga
n umsefham-sen; mači aṭas imeslayen ittembeddalen. Acḥal n
tikal i yebɣa baba-s ad yemmesli yid-es, ur la yettaf ara tawwurt
ansi ara s-yekk. Mmi-s, dayen yuɣal yettban-ed am win ur nebɣi
yara ad yesseḥmu tamrart i t-icerken netta d imawlan-is.
Acu yessewhamen aṭas mass Qebbani, d ayen i s-edqqaren madden ɣef arraw-is; qqaren-as-ed d ifeḥcucen
iḥemmelen aqesseṛ aṭas. Ladɣa amecṭuḥ yekkaten awal s
uqeddam. Medden maṛṛa ḥemmelen ad necṛaḥen yides. Mači
aṭas i yellan am netta i yesnen ta rabt akked trumit. Hedeṛ-as
ɣef ayen i k-yehwan ad k-ed yerr. Allaɣ-is d amawal ẓẓayen n
tmusni. Ladɣa di temsalin iceɣben ddin. Issen yark timucuha
ye nan imeddukal n Nnbi ( taẓallit d slam fell-as). Ad as- tiniḍ
5

yidsen i d-yekker. Issen-iten s yismawen-nsen akked yismawen
n tilawin d warraw-nsen.
Si tama nniḍen mi d-yuɣal s imawlan-is ad tafeḍ ters-ed
tesmeḍ n tegrest taqesḥant yidsen; Teqqar-ed yemma-s, asmi
mazal tedder, belli mmit-nsen yes a axjiḍ n ndama seg-asmi i dyewweḍ ɣer ddunit, ulac acu ara t-yeččaṛen ḥala akal aẓayan n
tenṭelt. Leḥzen yeččuṛen ul-is, ur yes i yara tifrat di tudert-agi.
Teqqar-as : “yal mara t-waliɣ ttmektayaɣ-ed belli taggara n
bnadem d akal asemaḍ.”
Iṭij yesserɣ-as-ed tamelɣiɣt-is i mass Qebbani. Acifuṛ uṭaksi i tid-yewwin yettmuqul-ed ɣur-es sya ɣer da. Yiwet n tikelt
yesteqsa-t-id:
- ncallah d lxir i k-id-yewwin ɣer Lareb a?
Yerra-yas mass Qebbani am win i d-tessekreḍ si tnafa di lbir:
- ala,ɣer lǧanaza.
Ikemmel-as-ed winna:
- ad aken-ye ḍem Ṛebbi lajeṛ. Amdan yekka-d seg akal ad
yuɣal s akal. Nekni n Ṛebbi u ɣer Ṛebbi ara nuɣal.
Yerra-yas:
- a wer tes iḍ aɣilif.
Yerna yesteqsa-t-id ucifuṛ-nni uṭaksi:
- i wagi yemmuten d acu yak-t?
Yerra-yas mass Qebbani
- d mmi amecṭuḥ, mazal yessaweḍ (25) isseggasen. Nɣant
imeddukal-is yeffeɣen d rrebrab.
Ters-ed tsusmi. ye weq ucifuṛ acu ara d-yini. Ur yerǧi yara
ad d-yemlil yewwas deg uṭaksi-s argaz i wumi yemmut mmi-s di
taluft-agi iḍeṛṛun.
Syin ikemmel mass Qebbani ameslay-is am win mazal yefkan.
- tezriḍ, werǧin ne dil neɣ nemsefham nek yides. Nek d yiwen
iheddṛen aṭas s idammen yeḥman. Netta d asusam am uzṛu n
tmeqbaṛt. Qqareɣ-as ad yuɣal ad yimɣur u ad yefhem imir-en
acḥal yew er ixeddim imawlan, ger uneẓmi ɣef arraw-nsen
akked lmeḥayen i ten-id-yettqabalen di ddunit. Nniɣ-as ahat
mazal-it cwiya d anubi; ahat asma ara yiwsir cwiṭ ad nuɣal nek
yides d atmaten akken lliɣ nek d watmaten-is imeqranen.
Inṭeq-ed ucifuṛ-nni, ifehmen acu iḍeṛṛun imir-en zdat-es:
6

- tezriḍ arrac maṛṛa ḥemmelen imawlan-nsen. Acu kan ur
ḥemmilen ad t-id-sbegnen. ttagaden ad d-banen mazal-iten d
llufanat.
Mass Qebbani i d-yettbanen am win yezren deg uxemmemis, ihuc aqerru-yis, syin yenna-yas:
- tes iḍ lḥeq. Nek ayen ugadeɣ d iman-iw. Ugadeɣ ahat d
leḥmala ur teḥmileɣ ara imi unfaɣ i warraw n leḥṛam ad t-nɣen.
Si zik ttḥalfuɣ ikreḥ-iyi imi i t-id-s iɣ di lexṣas, ttḥalfuɣ am win
ibɣan ad d-yerr ttaṛ seg-i, imi ur as-fkiɣ ara ayen s an warrac
nniḍen. Ula d taẓallit yeẓẓul si temzi-s imi i d iyi-wala ur da
ttẓalaɣ ara. Ttḥalfuɣ-as am win yugin yark ayen lliɣ.
Imuqel-it-id ucifuṛ seddaw tiṭ, imi yella yelha-d d tenhart deg
webrid ikeflen deg aṭas imeḍqan. Ladɣa mi yebda tikli si temdint
neɣ ayen icuban tamdint n Lareb a Sidi Mussa ɣer taddart-nsen
anida i yes edda temẓi-s akked waṭas isseggasen si tewserines. Akka kan ad d-yezzi ɣur-es ucifuṛ. Yiwen ubrid yenna-yased:
-I mmi-k-agi, ad fell-as ye fu Ṛebbi, ixeddem ɣer lḥukuma neɣ
yella itteka deg alba ḍ ikabaren-nniḍen… ya ni acu d sebba…
ɣef i t-nɣan ? mulac aɣilif…
S wallen zeggaɣen seg imeṭṭawen yugin tufɣa akked
we waz n yiḍelli, izzi ɣur-es mass Qebbani, yenna-yas:
-Ala, Wellah ma tella yark isem n sebba. Mmi, ad fell-as ya fu
Ṛebbi, yes a taḥanutt n lqez akked zagzag di Lareb a. Ula d
ameslay, akken i k-ed-nniɣ, ur yeḥmil ad t-yesseɣzef. Aɣilif-is
ḥala taẓallit akked yektaben n yal nwel. Iḥemmel ad iɣer s
ta rabt, s trumit wala s teglizit; ula d taqbaylit-nwen ---neɣ keč d
aqbayli--- ye reḍ ad tt-yelmed. Acu kan tew eṛ akken i d-yenna,
akk ulac aṭas n yektaben yess. Ittemsefham d medden irkelli
ɣas d yiwen iḥemmelen ad yeddu kan weḥdes.Yeqqar-as i
yemma-s, ad fell-as ya fu Ṛebbi ula d nettat, asmi tedder belli
ddunit txenqit, u ayen yessutur di Ṛebbi d aggay segs meqbel
ad yarew ẓẓebla ara t-yawin ɣer ǧahenama. Nek d yemma-s
akked watmaten-is, neddes fell-as aṭas mara nḥekku ger-aneɣ
acu i d-yeqqaṛ. Neqqar-as l ibad kečmen ɣer tẓallit akken ad
ṣegmen ma d Ḥamid ---d wagi i d isem-is--- segmi i itett
lekwaɣeḍ-is. Ula d asmi yebda asfusker ur numin ara ad yerbeḥ
7

ula d lfels. Tazwara yelli yiwet n txibuṭ, d taḥanut anda ur zmiren
ara ad qimen sin zdaxel. Ur yewwiḍ ara usseggas armi yelli tis
snat. dɣa ayen iɣ-izzemen ixnefyac-nneɣ asmi nwala d netta i
d-iqeṭṭun kullec s axxam. Nniɣ-as aqcic ur newwiḍ ara ecrin
isseggasen yuɣal d netta i d imḍebber n wexxam. Uɣaleɣ
ḥeqraɣ iman-iw akk usmeɣ cwiṭ seg-s. Nek yufa-yi-d lḥal akken
medlen lluzin n Meftaḥ anda lliɣ xeddmaɣ. Di dqiqa ufiɣ-ed
iman-iw ur zmireɣ ad ṭhellaɣ di twacult-iw. Tidett kan lemmer
mači d netta di lwaqt-nni tili ad aɣ-yečč laẓ.
Ɣlin-ed imir-en ɣef ddmuj-is imeṭṭawen-nni i kemnent
wallen-is seg iḍelli. Banen-d am tḥemmalt tamecṭuḥt yugin ad
tekfu deg ijerdan n tewser iɣaz zman deg udem-is. Acifuṛ i wumi
te req tenhart deg iberdan-agi yeflan i req-as daɣen acu
yezmer ad d-yini i wemɣar-agi yettrun ɣef mmi-s yemmuten s
tmezliwt. Iban-as-ed am uqcic i wumi ye req webrid di teẓgi.
Ixemmem acu yezmer ad as-yexdem, ur yufi yara. Ayen ɣer
wacu yessaweḍ dakken tasusmi d yemma-s n leḥdaqa.
…………………………………………………………………………
………………………….
……………………….

Aɣebbaṛ isleɣ yark iberdan n taddart izelgen.Yers-ed
mass Qebbani zdat tewwurt n lǧama anda i d-yufa imɣaren i tyugaren qqimen senden ɣer lḥiḍ-is. Dɣa akken i t-id- eqlen
kkren-d maṛṛa ar ɣur-es akken ad msalamen yid-es. Ɛeḍmenas-ed irkelli lajeṛ. imir-en kan yeffeɣ-ed limam si lǧama .
Ineggez-ed ɣef temgaṛt n mass Qebbani, iḥebba-t am gma-s.
Syin yezzuɣeṛ-it seg ufus s la qel s axxam-is yellan ɣer tama n
lǧama . Akken kan i t-yesɣim ɣef ufutay yenna-yas:
-a gma, nekni d ayla n Ṛebbi, ɣer Ṛebbi ara nuɣal. Amdan
yekka-d seg akal ad yuɣal s akal. Teẓriḍ sbeṛ d aḥbib n Ṛebbi u
sbeṛ icebḥen d makken ara teḍru twaɣit. Amdan ilaq ad yeṭṭef di
Ṛebbi akken d as-yehwa tbeddel tegnitt. Arrac-agi i ɣ-ed yefka
8

Ṛebbi, gan am ureṭal iṣuṛdiyen melmi d as-yehwa ad ten-idyessuter bab-nsen.
Inṭeq-ed imir-en mass Qebbani i wumi mazal ččuṛent
wallen d imeṭṭawen yeḥman:
-a ccix , a wer tes iḍ yark aɣilif di ddunit-ik wala di laxeṛt-ik. U
ma yella mači dayen ad k-iceṭnen, ɣas ḥku-iyi-d amek teḍra.
Yerra-yas-ed limam
-nes a lweqt i wanect-en. Tura ilaq ad tezreḍ belli mmi-k
tameddit-agi ad t-id-awin. Ceg eɣ gma akked mmi-s n xalti-k
deg ukamyun, u tilifuniɣ i yiwen uǧadarmi snaɣ di Lareb a ad
asen-d-yessishel lekwaɣeḍ akken ad asen-t-id-fken…i twacult-ik
amek tella iḥeqqa?
Yerra-d nnehtat am win i d-ibbaben ta kemt tamaẓayt.
-bxiṛ filaman.
-i yessi-k amek?
-ad ten-in la qqarent.
-i tmeṭṭut-ik?
-teẓriḍ a ccix, titargiyin, ul-nsent iɣleb tiniri di litta . Ayen i stenniḍ ak-ed-ini aqli da.
-i lekwaɣeḍ tekfiḍ-as-ten-id?
-tezriḍ amek i tga tmurt-agi-nneɣ. Ssutren-aɣ-ed nnekwa-s,
nettat ur tes i yara. ncegge ɣer Bamaku ma yella n lkaɣeḍ
izemren ad as-ed cegg en ur ufin ara. Tura mazal-aɣ kan ad dnadi ma yella a naf inagan ad d-icehḍen belli nettat syin, u
baba-s akked yemma-s n din.
S isteqsiyen-agi n limam ibeddel-as deg yiwen umecwaṛ
tiktiwin-nni tiberkanin yellan zedɣent ul-is. Yettu aqraḥ-nni
ickucebren ɣef tuyat-is.
Tewwi-d imir-en yelli-s n limam, i d-yelsan lḥiǧab aberkan,
sniwa n latay akked lgaṭu di tqecwalt tamecṭuḥt. Akken i tt-tsers,
tuɣ aqerru n mass Qebbani i d-yeɣran deg allen-is a eẓẓer
akked imeṭṭi. Dɣa imir-en ula d netta iṭerḍeq d imeṭṭawen.
Iḥebba-tt ger ifassen-is, zdat baba-s i wumi i d-ɣlin imeṭṭawen
ula d netta. Yenna-yas-ed imir-en limam:
-Ɛebd el ḥamid d lwiz. ulac win ur t-neḥmil ara deg uxxam-nneɣ.
Lemmer di yura Ṛebbi a zizen...
Tenṭeq-ed imir-en teqcict:
9

-a ba…
Dɣa yessusem limam i yebdan aserbi n latay deg yiwen
ufenǧal annect-illat i mass Qebbanni. Tenna-yas-ed imir-en
teqcict:
- smana i eddan, iḥka-yi-d Ḥamid yiwet n targit yurga. Yenna-yid am akken yerra-t Ṛebbi d azaɣar ijeǧǧigen izeggaɣen. Iṭij
yesseḥmay akal, abeḥri ziḍ, iwerẓigen, s cwiṭ n leḥya, bdan ijjiq
armi i d-zeḍmen seg ulac kra n lewḥuc iberkanen i d-yelsan
tiqnedyaṛ timellalin. Dɣa rekḍen yark izeǧǧigen-nni i d-yefkan
yiwet n tezwaɣ igan am idammen.S yin yers-ed seg igenni
yiwen wergaz is an aṭas n yefriwen u yebda a yestewtiw degsen s yiwen ujenwi.
tessusem cwiṭ teqcict syin tkemmel:
-yenna-yi-d mi yekfa targit-is belli ussan agi ara yinig, ɣas ur
yeẓri yara sani. Netta ziɣ ifhem-itt.
Imir-en ikcem-ed gma-s n limam. yenna-yasen-d belli
yewweḍ-ed. syin yefka-yas afus-is i mass Qebbani, i wumi
ye ḍem lajeṛ.
Izwar-ed limam ɣer ukamyun i d-yewwin asenduq. Ɣawlen
lɣaci akken ad t-id-ṣubben. Dɣa akken i t-id-sersen, iṛuḥ mass
Qebani yekkes-as-ed lɣem i usenduq, yellan yersen kan d
tarusi. Ḥala udem-is i d-yettbanen. Iṭunez dɣa ɣur-es s la qel
islef-as s ufus-is, syin isers ticenfurin-is ɣef unyir-is asemmaḍ
dɣa yenna-yas s la qel akken ulac anwa ara s-ed-islen : “a mmi
nek d yemma-k, ad fell-as ye fu Ṛebbi, si zik i d akennsemmeḥ, i keč d watmaten-ik. Ass-a nek ad ak-ed-alsaɣ,
semḥaɣ-k ma yella kra i d i-txedmeḍ. ɣas ẓriɣ-k si zik d
lmalayek”.
Yuẓa-d limam akked yergazen-nniḍen s asenduq akken ad
t-skecmen ɣer wexxam-is. Imir-en iḥbes-iten-id mass Qebbani.
Yenna-yasen s yiwet n taɣect yeččuṛen d tiḥercewt belli ilaq-as
ad tawin s axxam-nsen. Yerra-yas-ed Limam belli kifkif, ula d
wagi d axxam-is. Ɣas akken yugi.
Di seddis(6) yidsen refden asenduq metwal s axxam-is,
yeǧǧa qrib tura qus (9) isseggasen. Akken wwḍen issufeɣ-ed
tisura n tsemmit n lḥaṛa, yelli-tt-id. Kecmen medden ɣer zdaxel,
yerna deffir-nsen usenduq yettwababen ɣef tuyat. Yelli-d diɣen
10

tawwurt n wefrag yettawin qbala s aḥanu anda ur tes iḍ acu
yellan anagar yiwet n ṭṭabla n wesɣaṛ yeččuṛen d idlisen yuran s
ta ṛabt akked teglizit.
Deg yiwen umecwaṛ xedmen-d amkan anda i t-ẓlen am
ujalut i teffeɣ tudert seg iẓuran. Imir-en isekcem-ed iman-is
yiwen akken n wemɣar yekfan si ddunit, yenna-yasen i lɣaci ad
fɣen, anda i d-yedda mass Qebbani. Aneggaru-yagi isteqsa
limam anwa wagi. Yerra-yas-ed limam belli d argaz-agi i la
yessiriden tura lmegtin di taddart. Dɣa yedda-d deffir
lɣaci.Yeǧǧan mmi-s ad yirid.
Akken uɣalen lɣaci s axxam, ufan-en yerra-t zdaxel n lekfen
amellal anda i d-yeǧǧa ḥala udem-is yettfeǧiǧen. Ur as-teqqareḍ ara sin wussan aya-gi i yemmut. Yuẓa mass Qebbani armi
yewweḍ s aqerruy-is. yeqqim din am win ara yesta fun seg
yiwen yinig meqren.
Azgen n wass ur d-yekkir ara si tama n mmi-s. Imdel allenis. Ulac anwa izemren si lɣaci ad t-id-yessaki si tnafa-nni n
leḥzen anda yezzer. Yettban-ed ɣef udem-is yiwet akken n
tewṛeɣ igan am aṭan-nni ittḥazen iyuzaḍ. U mara imuqel
wemadan s udmawen n wargaz akked mmi-s, ad as-tiniḍ d
argaz i yemmuten, mači d mmi-s.
D igelfan n lɣaci i d-yettasen. Wa deffir wayeḍ. Win tiwalan, ad yeǧǧ amkan i wayeḍ. Ulac anwa i yes an lkuṛaj ad tid-yesker si leḥzen. Am usalas ibded s aqerru n mmi-s, allaɣ-is
wissen sani iṛuḥ.
Seg asmi yella meẓẓi i yella d assusam. Ula mara tewten
neɣ ara-tḥeqren wetmaten-is i t-yugaren di la meṛ, ur yettru
yara, ur d-yeqqar ara belli yella kra i t-iqarḥen. Ahat ma yella
dɣa yella win izemren ad yekcem deg iɣilifen-is d yemma-s kan.
Yal mara tetqelleq neɣ tuḍen ad tṛuḥ ad teṭṭes yides di tmetṛaḥtis mectuḥen. Teqqar-as i wergaz-is: “leǧnun akked cwaṭen ur
tezzin ara anda yella, imi l ezaz-as d taɣuri n leqṛan akked
wayen ye nan ddin, keč anecraḥ-agi-inek ɣef kullec akked
ulaḥed iban d cwaṭen i k-izedɣen.” Dɣa ad teḍs.
Atmaten-is imeqranen, segmi ttimɣuren i ttuɣallen
ttmeslayen-as am win i ten-yugaren. Ulac tamacahutt ur d-wwin
ara ɣef una zul-is ɣef madden. Yiwet n tikelt snulfan-ed fell-as
11

yiwet n tmacahutt armi ula d netta yeṭerḍeq d taḍsa mi s-yesla.
Nnas belli d yemmat-nsen i yeččan, asmi tella s tadist yess,
aja bub n lakṛim; dɣa i ṛeq-as ubrid deg iẓerman-is armi i
yekcem s ul n gmat-sen. Seg ass-nni dɣa i yegres wul-is am
tqarruct n wedrar n Himalaya.
…………………………………………………………………………
……………………..
……………………..
D tawacult n limam i d-iheggan kullec. Sewwen imensi i
yinebgawen akk uɣen-d lqahwa d latay d lgufṛiṭ i yim ewzen.
Mass Qebbani yettmuqul kan deg-sen mi la ttḥarkilen maṛṛa.
Kra ɣazen tenṭelt, wiyaḍ heggan-ed ikersiyen akked d
yemṭaṛḥen. Wiyaḍ farḍen-ed axxam. Wiyaḍ-nniḍen wwin-ed
asenduq asemmaḍ. Lḥaṣun, ur yessembbawel ara taḍadect-is
tamectuḥt di lǧanaza n mmi-s. Ayen dɣa i t-yeǧǧan izzer deg
ubaxix armi yettu iman-is anda yella.
Tameddit, meqbel taẓallit n lmeɣreb, iṛuḥ-ed limam ɣer
tama n mass Qebbani. Yenna-yas belli yebɣa ad yehdeṛ kra
imeslayen yides. Dɣa yekker-ed seg umḍiq-nni anda yeqqim s
aqerru n mmi-s s wallen imedlen am tenṭelt.
Di baṛṛa, mi leḥḥun wa ɣer tama n wayeḍ, ḥulfan ters-ed
yiwet n tsusmi iḥeznen ɣef taddart. Ad-as tiniḍ cmata teckucber
am ubernus n wedfel aberkan ɣef ixxamen n llajur yuli bu seṭṭaf.
Ternuḍ-as iberdan iddṛewzen am tbiddunt n wuzzal yeddez
weqcic amectuḥ. Argaz,ineddmen ɣef ussan yezrin anda
yezmer ahat s kra imeslayen ḥlawen ad yerẓ lḥiḍ n lxiq tebna
ddunit akked tnekkit ger-as d mmi-s, yebɣa ad d-yerr s allaɣ-is
cfawat n mmi-s asmi yella d llufan. Ɣas akken d asusam, si zik,
medden maṛṛa ḥettben-t am tpupitt s wacu tturaren. Ur as-edyecfi yara ula d yewwas iru. Yettwali tura udem-is mi yella meẓẓi
am uqcic ǧǧan imawlan-is neɣ am ugujil, yettxemimen d netta i
yesxeṣren di kra n tɣawsa armi teǧǧan yeqqim weḥdes.
Imir-en, makken mazal-it yezzer di tirga-s n zik, inṭeq-ed
limam:
12

- a si Ḥmed, akken-nni i d-nekker, nek yid-ek; temzi-nneɣ akken
i tt-nes edda am atmaten. Ɣas ẓriɣ, keč werǧin i yi-tḥesbeḍ am
gma-k, acu kan nek ttwaliɣ-k am gma-nni i ssarmeɣ ad s uɣ.
Ddunit twalaḍ terra-yaɣ d icifaḍ ur neswi ur nerri. Neǧ el
tazwara d ayen yettdumun. Netta ḥala udem n Ṛebbi ara
idumen. Newwi nerra, taggara twalaḍ ula d arrac-nneɣ, ur
nezmir ad neḥrez fell-asen. Lfetna d ayen tebda, tuɣ iɣeẓrawen
d issafen. Ulac anwa ara s-ixedmen ṣrima ḥala Ṛebbi a zizen.
Ayen ugadeɣ ugar, dakken hatt-an akken kan tebda. Aṭas
idammen ara yazlen a Ḥmed, ur ẓriɣ ara amek ara nessukes.
Ḥman idammen akk rkan wulawen n lɣaci. A gma ur ssinen ara
acu i sen-yelhan.
Yessusem cwiṭ, imuqel s udem umeddakel-is i yufa mazal-it
yezzer deg uxemmem-ines. syin ikemmel-as awal:
-d imeddukal-is i t-yenɣan, a gma. D widak d wumi yedda acḥal
i d-yezzin fell-as asmi yella icerrig ger-asen. Nitni fɣen s adrar.
Netta,yeqqar-asen: “d lbaṭel ayen akka i txedmem, ur tes iḍ acu
yezmer ad d-yawi.”
Imir-en yetkaki-d mass Qebbani mi yesla i limam iḥekku-d
ɣef sseba n lmut n mmi-s. Netta, di ddhen-is, d ibaṛṛaniyen i tyenɣan akken nɣan imeyaten-nniḍen. Ur imeyez ula d yiwen
ubrid belli yezmer ttwasnen widak i t-yenɣan.
Aɣemɣum aberkan deg yiwen umecwaṛ yeččuṛ-ed igenninni yellan meqbel cwiṭ d azedgan am lemri. Muqlen di sin
yidsen s igenni. Yiwen ixemmem belli ad d-ileḥḥu lmeɣreb,
wayeḍ ixemmem belli d lawan ad yuɣal ɣer tama n mmi-s.
Ḥebsen ɣef uṭruṭwar, ɣer tama n yiwet n t emuct iceqfan n
tebrikt tazeggaɣt. Imuqel mass Qebbani limam metwal s allen,
yenna-yas:
-Ini-yi-d, tesneḍ widak i t-yenɣan?
Yerra-yas-ed limam:
-Ilaq a nqeṣṣeṛ aṭas, ur ten-ssineɣ-ara swaswa. Acu kan
ameddakel-is Ɛumaṛ, ahat yeẓra anwi-ten swaswa. D netta i
yellan yides makken yettwaṭef. Ilaq ad ak-ed ḥkuɣ,a si
Ḥmed…ayen yeḍran d lbaṭel aṣeṭṭaf.
Yessusem limam. Yessusem mass Qebbani.
Seg usawaḍ n lǧama , lmuden yuɣ-ed yark tiɣemmaṛ n taddart.
13

Aqcic i d-iteddnen yesseɣzef taɣect-is am win i wumi yeqmeḍ
nnefs zdaxel n t eddist-is. Ad tḥalfuḍ mara s-tesleḍ am win
yettrun yal mara d-yini: “ALLAH AKBAR”. Tettimɣur taɣect-is
arma d yiwet n tqacuct yerɣan, syin ad yebdu ad yessenɣas
deg-s arma tewweḍ rqiqet am izeḍwi s wacu i d-jebden werrac
tiɣirdmawin seg ixejḍan-nsent. Akken yessuli lmuden, cihden di
sin u ṣellan ɣef Nnbi akk ssarmen-as ɣur Ṛebbi amḍiq n lwasila
di lǧennet. Syin kecmen di sin yidsen di tewwurt n lǧama .
Yeẓẓul yessen limam. Mass Qebbani yufa-d amḍiq di ṣṣef
aneggaru. Di tẓallit-is, yal mara yessiweḍ anyir-is ɣer lqa a,
yesfillit lǧenet i mmi-s, u ad as-iwehhi Ṛebbi abrid ilaqen ad yaɣ
di temsalt-agi i d-ihedfen fell-as. Iḥulfa am akken d netta i
yemmuten; ul-is segmi ikemmec am tyembbult ikeri, i ǧǧan la
tettɣar i yiṭij unebdu. Yebɣa ad yeẓẓel di tesga n wexxam deg
umur n mmi-s yeẓlen tura akka deg uxxam s tyerrist immezlen s
lmus yeḥfan.
Yurga-t zdaxel n tẓallit-is d netta i d-yussan ad t-yenṭel. U
yefreḥ aṭas mi t-iwala ula d netta yeḥzen mi yemmut baba-s.
Mi ifuk taẓallit-is, iwala limam yewwi-d seg ufus aqcic-nni i
d-yednen. Akken i d-yewweḍ ɣur-es, yenna-yas:
- a si Ḥmed tecfiḍ ɣef uqcic-agi, neɣ ala ?
Imuqel-it s usenqeḍ, dɣa yerra-yas-ed :
- iwerra-yi-d Ṛebbi snaɣ-t, acu kan wellah ma zemreɣ ad d-iniɣ
anwa swaswa.
Yenna-yas-ed imir-en limam:
- D wagi i d Ɛumaṛ, ameddakel n mmi-k. Akken i ttmenṭaren ger
lexlawi akked temdinin. Aṭas n tɣawsiwin i yes a ad ak-tent-idyini.
Yuẓa-d weqcic ɣer wemɣar, isellem fell-as. Syin yuɣal ɣer
deffir, yessusem. Udem-is iban-ed am win yettewten s ujelkaḍ,
d azeggaɣ yark anagar allen-is tiqehwiyin i d-yettbanen am snat
n tlellucin n wewraɣ deg akal n tumlilit tazeggaɣt.
I awen-ed limam ameddakel-is akken ad yekker; syin di
tlata yidsen kecmen deg yiwet n tewwurt yettawin si lǧama s
axxam anda yezdaɣ limam. Din qimen ɣef qrad(3) ikersiyen i dyezzin i ṭṭabla. Dɣa yebda weqcic ameslay , mebla ma
yesteqsa-t yiwen, s taɣect yeččuṛen d leḥzen:
14

- Ẓer a si Ḥmed, belli ur ẓriɣ sani ara yarraɣ udem-iw segmi
yemmut Ḥamid zdat-i. Ur ẓriɣ ara amek i zemreɣ ad d-sfehmaɣ!
Teṭṭef-iyi tcallawt! Ugadeɣ ɣef yiman-iw armi ur ẓriɣ acu i
xeddmaɣ.
Yessusem din. Imuqel s udem n yergazen-nni i t-yugaren
ma yella drus xeṛsum (30) issegasen. Si tama-nsen ula d nitni
walan amek ibda ifetti wudem-is, amek cwami-nni bdant la
meḥunt. Dɣa yenna-yas limam:
- a Ɛumaṛ,a mmi, ini-yas-ed i si Ḥmed acu i yeḍran irkelli.
Dɣa yebda weqcic imir-en lehduṛ.

…………………………………………………….
……………………………………
………………………
Ass amenzu mi d-nulfan at ičumar-agi di lǧama , nennayas, nek d Ḥamid, d ayen ilhan. Ladɣa nek ur nessin acu i
yesseḍwayen di tsertit. Ḥamu neḥma, taḥemmalt i d-iḥemlen
tewwi-yaɣ deg ijufaṛ-is. Nebɣa yark ad tṣeggem tmurt. Ɣas nxuṣ
tamusni, nniya-nneɣ d tin yeṣfan, d tin zeddigen. Teẓriḍ kullec;
ahat tifeḍ-iyi amek i tfehmeḍ timsal, keč zik d amǧahed. Lḥasun
nedda akken ddan yark medden di tezfuft-nni usirem.
Meqbel ad bduɣ, bɣiɣ kan ad ak-ed-iniɣ yiwen wawal
yes an azal meqren ɣur-i: werǧin walaɣ alba ḍ iḥemlen
imawlan-is akken i ken-yeḥmel Ḥamid; win ur nessin ara Ḥamid
ad as-yini d zzux i yettzuxu. Dima iḥekku-yaɣ-ed amek i
tes eddaḍ ṭraḍ, keč ur tewwiḍ-ara (20) isseggasen. Yenna-yaɣed amek i d-trewleḍ si lḥebs, amek i teččam ucanen, keč d
imeddukal-ik asmi i ken-ḥarsen iṛumyen deg yiwet n temnaṭ deg
udrar. Iḥekku-d amek i tzewǧeḍ, amek i tugiḍ akarni n
yemǧuhad, amek i tnehreḍ lkaṛ di fransa. Zemreɣ ad ak-ed-iniɣ
snaɣ ddunit-ik xir-ik. Ula d tatargit i tuɣeḍ yenna-yi-d amek i ttid-tessukseḍ seg ufus n le skeṛ. Yeqqar-iyi-d fell-ak kra n
leḥwayeǧ ur yettamen yiwen, u lemmer ur tessineɣ ara d
amẓẓalu aḥeqqi tili ad as-iniɣ yeskidib.
15

Nniɣ-ak, ihi. Nedda cwiṭ yidsen akken ddan wiyaḍ.Tzemreḍ
ad d-tiniḍ belli nek ddiɣ cwiṭeḥ nnig cwiṭ armi yuɣal d aṭas.
Ḥamid, netta ur yettaǧa ula d yiwet n lɣelṭa mebla ma yennayasen-tt. Ladɣa tiḥerṣi i t-ttḥarisen imeɣnasen-nneɣ. Neẓra
leḥkem d afuḥan izleg ayen yark yelhan di tmurt, acukan nekni
nezmer ad nnekk deg-s lemmer ur nett assa yara iman-nneɣ.
Mebla ma tettuḍ belli nekni d widak i d-yekkren s yisem n ddin.
Win ur numin ara s Ṛebbi a zizen, ur yezmir ara ad yefhem
acḥal neṭṭef di leqran, ur yezmir ad yessekcem s allaɣ-is belli
win yellan d ineslem iw eṛ fell-as ad yeḥkem di ddunit-is s
wayen imgaraden d wayen i d-yenna Ṛebbi a zizen. Acu kan ,si
tama nniḍen nekni, deg umur usexdem n wallaɣ-neɣ ɣaf acu i ɣed-i-weṣṣa Ṛebbi di tektabt-is, nestenyaf adebbuz akked lḥerṣ.
Deg umur n tikli s la qel di lecɣal n tmurt,nekni newwi-tt d
tazwawaṭ. Ad as-tiniḍ ilaq ad d-nesɣerṣ imir-en lmektub seg
ufus n Ṛebbi neɣ mulac ad ifut lḥal. Lḥasun Ḥamid segmi i dyettba id fell-asen.Ladɣa asmi ḥebsen tifranin warraw n leḥram
n l eskar; fkan afus i yimṭurfa ad aɣ-nehren sani i sen-yehwa.
Qrad(3) isseggasen umbe d, tugett n widak yefɣen s amadaɣ
mmuten. Leḥzen ikcem s ixxamen am agu deg ussan n
tesmuḍa. Ulac axxam ur nru yara. Yeqqar-iyi-d Ḥamid belli d
lmuḥal u d awezɣi ad yeḍru wayen akka iḍerrun ma yella ulac
alba ḍ n cwaṭen i t-iheggan meqbel.
Lfetna am uqjun inecfen, ur tezriḍ deg wumi ara yehmej.
Imsulta sya, at umadaɣ si tama nniḍen. Ḥamid yes an taḥanutt
di Lareb a, ḥala tasusmi-ines i t-yessuksen seg wayen yes a
deg wallaɣ-is. Medden yark ttqadaṛent ɣef tmusni-ines. Iɣra aṭas
n ddin. Ula d limamat mara erqen, ɣur-es i d-ttaran ad tsteqsin. Tikwal ad ak-yini ǧǧi-yi ad d-nadiɣ. Ass neɣ sin umbe d
ad ak-ed-yawi tifrat i temsalt i tettnadiḍ akked wedlis anda i ttyufa. Acu kan netta yeqqar dima ɣef yiman-is belli di tmurt
ibujaden kra n win yes an timqessin ḥettben-t medden d
axeggaḍ. Netta ulac tama ur t-nezgil ara. Imsulta qqaren-as
ixeddem d wat umadaɣ. Ineggura-yagi qqaren-as iban netta d
amsaltu yefren iman-is. Qqaren-as yesserwel tawacult-is imi
yeẓra acu ixeddem. Tidett, lemmer mači d limam-agi yesnen kra
seg imsulta tili acḥal ayagi i t-qemman. Ma d at umadaɣ, yenɣa16

ten s tmusni-ines di ddin. Ansi i s-ed kkan ad d-afen ur aszmiren ara.
Cfiɣ yewwa-s di lǧama snejm en-ed lɣaci. Xedmen-aɣ-ed
asarag-nsen ɣef “LǦIHAD” akked “TAƔUṬ”. Nnan-aɣ-ed: “
adabu-yagi amesbaṭli ḥala rṣaṣ ara t-iɣeḍlen, yenɣa ineɣmasennneɣ di tmesbaniyin. Yewtaɣ, ijarḥeɣ u yeksaɣ rbaḥ n tefranin.
Ɣef ayagi yark i nerfed leslaḥ mgal-is, nessawel i lɣaci ibuṭin fellaɣ ad yeddu yidneɣ imi d wagi i d abrid n Ṛebbi, mači d yiwen
nniḍen.”
Ḥamid yuɣen tannumi yessusum am u eggun, inṭeq-ed ass-nni
asmi lɣaci ssusmen maṛṛa. yenna-yasen: “Lǧihad-agi-nwen
yeqqim kan dagi ɣur-neɣ. Ibulisen yark yemmuten d arraw n
tudrin-nneɣ. Ula d nutni d imeẓẓula u d lmumnin, akka am kenwi
akken i d-teqqarem. Ad ggalleɣ ur seḥnataɣ ma teẓram anwa i
yesselḥuyen tamurt-agi. Tǧa lem d amsaltu ma yemmut ara-dyawin dduwla tineslemt. Mi yemmut yiwen ad d-aren mraw(10)
deg umur-is. U kenwi s Wellah igan isem i yiman-is ma teẓram
trent seg widak iṭṭfen tamurt s tidett. A yatmaten i yessalayen
timura d tasartit akked iɣalen i tt-yessebdaden.
Immeɣ-ed fell-as imir-en yiwen si zdeffir, ixneq-it. Widak iḥeḍren
din, amezwaru d limam-agi-nneɣ, negzen ɣer win akken ad as-tid-kksen si ger ifassen. Yekker din yiwen uwahruḥu ger
imeẓẓula d wat umadaɣ. Amecwaṛ, limir-nsen, yessusem-iten.
(Ass-nni win i ten-iḥebsen d yiwen akken weqcic iɣran di
tesdawit n Blida, issen Ḥamid si zik). Syin ikemmel Ḥamid awalis, ɣas nitni ur bɣin ara:
- lfetna a yatmaten am tḥemmalt tameqrant mara d-teḥmel;
iteddu uzegzaw d uquran. Ayen i d-tufa zdat-es ad teddem.
Ɣurwat ad tǧa lem d ageffur ara yezrin ticki. Ladɣa nekni
izedɣen di lǧwahi-yagi n Blida. Ass-agi temmeslayem-aɣ-ed,
azekka ad aɣ-tewtem; yewwas ad d-yaweḍ anida ara ɣtestewtwem s uḥlalas.
Dɣa akken i d-yenna i teḍra. Sin isseggasen
umbe d,umbe d mi mmuten imezwura yeɣran cwiṭ, uɣalen,
widak i ten-iɣermen, am lewḥuc. Adrim yuɣal-asen am useqqi,
smir-ed mebla cceḥa. Efk-asen ayen d ak-yehwan ur ṛebbun
ara, cwiṭ kan ad d-bernen ɣur-ek. Yuɣal u ebbuḍ-nsen d
17

acekkaṛ yeqqerṣen. Ternuḍ-as leḥqara. Ur as-teqqareḍ ara
mara twaliḍ lexdayem-nsen belli widak-agi kren-d mgal leḥqara
di tazwara. Ula d tasartit-nsen ur tban ara. Uɣalen teddun s
cceḥa umeslay. Lɣaci akken walan ulac lfayda deg-sen, bdan a
jebden iman-nsen. Mebla ma nettu, keč tezriḍ, adabu afuḥan i
yellan d ssebba n wezgen n warrac yulin s adrar. Yenna-yi-d
Ḥamid belli s tta mada-nsen i yerẓan lluzinat n tmurt, staxren-ed
ixeddamen. Skecmen ɣer lḥebs widak i send-yeqqimen deg
ubrid-nsen, ladɣa widak yeɣran. Ternuḍ-as anda ma teddiḍ d
abaraj akked d wazḍam s ixxamen deg iḍ sɣur imsulta akked
iǧadarmiyen. Akken kan ara cikken deg-k tes iḍ cwiṭ n wul s
inselmen, ad d-asen ad k-qemman seg uxxam am yir aqjun.
Rran tammurt d yiwen n lḥebs ur nes i tilisa. Nek s yiman-iw,
azgen n widak sneɣ fɣen s amadaɣ ur sinen abruy di tsartit, u
tugett ger-asen d arrac imectaḥ yes an gmat-sen neɣ mmi-s n
em-nsen fɣen meqbel. Lḥaṣun lfetna teṭṭef tiregwa n tmurt. Ur
walaɣ ara acu izemren ad tt-yessufeɣ ɣer lxiṛ.
Neẓra tew er teswi t, acu kan ur nxemmem ara tezmer ad
taweḍ s anect-agi n lmut. Di tudert n lɣaci, ulac acu i dyessebganen belli yella win iḥekmen tamurt. Xedmen leḥbus i
lɣaci ur n edda yara di cre . Nɣan yiwen uselway n tmurt mebla
ma yesteqeleq-iten yiwen. zzenzen cwiṭ-nni n lpiṭrul yellan di
tniri. Slaẓen imelyunen n twaculin. Ukren acu yukren mebla ma
nezra ibbizeḥ si temsalin.
Ma yella d at umadaɣ kecmen deg yiwet n tebriṭ yettawin qbala
s iɣzeṛ. Ǧa len belli lmut uce biw neɣ ubulis neɣ n walba ḍ
iselwayen n tɣiwant ad d-yawi kra i umennuɣ-nsen; Ur ẓran ara
belli yal mara nɣen yiwen am akken tawacult-is mara i yenɣan.
D nitni i yettawin lɣaci ad ddun deg udabu mebla lebɣi-nsen.
Kecmen deg yiwet n tekriṭ (violence) tazefrant tadarɣalt, ula d
a daw n Ṛebbi ad tt-yagi. Anect-a s yisem n ddin, am akken d
nitni i d-iwekkel Ṛebbi ad ṣeggmen tamurt; ur ḥusben ara imannsen meqbel ad ḥasben lɣaci. Wellah ar llan kra ma snen
tabruyt n taɣaṭ di ddin… Ddan deg asif i d-iḥemlen armi uɣalen
ugaren asif-nni di lexṣara.
Asmi zedɣen wigad-agi yessawalen i yiman-nsen imǧuhad
di taddart, yeqqar-asen Ḥamid belli eddan tilisa n cre , ur ilaq
18

ad kken deg win ittqazamen di lbaṭel akked timuḥeqranit.
Yettawi-yasen-d timucuha umcegge n Ṛebbi (TSLF) akked
imeddukal-is; amek ttaǧan tanefsit-nsen deg uxxam, amennuɣnsen ḥala i wudem n Ṛebbi.
Tazwara, walaɣ amek ḥemlen a t-najin. Ɣas akken d
asusam di ṭṭbi a-s, ad d-ṛuḥen ɣur-es ad t-steqsin akken ad
ẓren amek i ten-ttwalin lɣaci. Netta yettara-yasen belli win ara
yemmenɣen netta d yineslem am netta, di sin yidsen ara
kecmen ɣer tmes. Imi yiwen yenɣa, wayeḍ ula d netta yebɣa ad
ineɣ. Yeqqar-asen imsulta-yagi tettwalim akked iserdasen, aṭas
deg-sen d imeẓẓula, ttuẓumen, ttseddiqen, i iḥemlen imawlannsen. Acu kan taswi t-agi n lfetna, tufa-ten-id anda i ten-id-tufa.
Ma qqimen-en ḥeṣlen, ma rewlen-d ḥeṣlen ugar. Tufa-ten-id
deg yir lawan akked deg yir amkan. Si tama nniḍen, nitni
ḥekkun-as-ed ɣef leḥbus n tniri i d-snulfan i yimeɣnasen ukabarnsen akked d usufri i ten-sufriyen yal mara ṭfen yiwen armi
tikwal itettu ccada. Ḥekkun-as-ed amek i neqqen lɣaci mebla
cre d waṭas n tɣawsiwin nniḍen ur iqebel la qel.
Seg asmi immuten imezwura yefɣen s amadaɣ, tuɣal tbeddel
tmuɣli-nsen ɣer lɣaci. Uɣalen ttwalin yark widak ur neddi-yara
yidsen d icenga. Yeqqar-iy-d Ḥamid fell-asen belli rṣas s wacu
inɣan atmaten-nsen yesdubbez-asen ulawen-nsen armi ur
zmiren ara ad semxalfen ger lḥeq akked lbaṭel. Iles-nsen yeččuṛ
d ameslay n Ṛebbi, di lawan anda ulawen-nsen ččuṛen d aḍu n
lekfeṛ. Lexṣas n tmusni n ddin d wayen ye nan tudert s umata
ikemmel i umxix deg ubaxix. Lḥasun zegren tilisa n temdanit.
Yuɣal ula d adabu mgal i d-kren, iḥemmel-iten. Imi segmi llan i
yes edda yark leqwanen ihudden tamurt. Zzenzen lpitṛul n tiniri,
rẓan lluzinat d tkebbaniyin n ddewla akken ad aɣ-ed-skecmen
ibaṛṛaniyen nessufeɣ s usfel nefka seg idammen-nneɣ i wasif n
tlleli.
Akken i d-yeqqar umeddakel-iw Ḥamid, yeɣran mači d kra,
belli tamurt-agi tes a waqila da wesu sɣur Ṛebbi a zizen.
Yečča-tt leǧhel akked tekriṭ. Tuɣal tifenyent akked weḥwas d
nutni i d idles akked le wayed n tmurt. Imdanen deg umaḍal
ttzuxun s leqraya akked d wacu i d-snulfan d wayen xedmen,
nekni nettzuxu s ubbulun i d-nuker si lluzin anda i nxeddem neɣ
19

s wacḥal n swaye n tguni i neṭṭes di tkebbanit ansi i d-nettawi
rrezq-nneɣ... Yewwa-s, iḥka-yi-d belli yessen yiwen weqcic
ittaker-ed adlisen seg uɣerbaz anda yeqqaṛ. Ɣas akken d
takerḍa, i k-yenna Ḥamid, acu kan ifṛeḥ imi d adlisen i yes a
deg allaɣ-is a ten-id-yaker. Acu kan yeḍsa mi s-ed-nnan belli
yessexdam-iten i usiɣi n tmes di tegrest, ladɣa ma yili ulac
aǧarnan deg uxxam.
Deg usseggas-agi yezrin, tuɣal texṣer tegnitt, ger-aɣ akked
d at rrebrab-agi yellan di temnaṭ-nneɣ. Zik xerṣum ttmeslayen s
yisem n wegdud, ɣas neẓra ɣelṭen aṭas di tufɣa-yagi-nsen s
amadaɣ. Wanag tura uɣalen d ifer unen fell-aɣ, ccukren armi
qrib ɣelben win d wimi ttnaɣen. Aneggaru-yagi netta, ifaq-asen,
ur tes iḍ acu yellan deg-sen, dɣa yunef-asen ad xedmen ṛṛaynsen.000000
Dɣa, ṛṛay-agi-nsen ame waǧu iḥuza-yaɣ-ed nekni d
imezwura. Ur ẓriɣ ara amek i d-ssufɣen fell-aɣ, nek d Ḥamid,
belli nettawi-yasen isalen i yiserdasen n Blida. Cegg en-aɣ-ed a
nesers iman-nneɣ. Nekni ncegge -asen belli ɣelṭen aṭas di
leḥsab-nsen fell-aɣ. Si tama nniḍen lɣaci uɣalen jebden-d imannsen seg-sen anagar win yettwaṭfen deg umerdax-nsen seg
iḍaren ar umelɣiɣ.
Nuɣal seg ixeddim s axxam,seg uxxam ɣer lǧama , si
lǧama s ixeddim. Lḥers segmi irennu fell-aneɣ. Nettḥalfu-yas
yal tikelt ara d-imuqel ɣer-neɣ walb aḍ imezdaɣ n taddart. Nuɣal
nettraǧu kan asmi ara-d-zeḍmen s ixxamen-nneɣ ad aɣ-awin.
Ladɣa Ḥamid i wumi i tt-ṭṭfen d tuḥsift seg asmi yettnaɣ yid-sen
di ddin, di temsalt-agi n lǧiḥad ger inselmen. Ziɣ nitni yeččuṛ
wul-nsen seg uɣuccu akked ttaṛ. Ahat qqaren-as ma yella
nzemm-as i wagi axenfuc-is am akken tamsalt-nsen ad tuɣal
imir-en d tamsalt n lḥeq. Syin ad d-llint tiwwura n rbeḥ mgal
adabu-yagi ifɣen i webrid n Ṛebbi.
Nḥulfa-yas i tfidi yewwḍen s iɣes asmi yennuɣ Ḥamid di
lǧama , netta d gma-s n yiwen si cyufa n widak ifɣen s amadaɣ
di temnat-nneɣ. Nnuɣ-en ɣef tmezliwt akked timenɣiwt s rṣas,
anta i d ssuna. Winna yeqqar-as belli d ajenwi i d ssuna. Ḥamid
yettara-yas belli ma yella dɣa terra-k tmara yewwas ad tenɣeḍ
alba ḍ, ulac acu yifen di tezdeg tarṣast si deffir temgaṛṭ. Winna
20

yewwi-yas-tt i tarba t n gma-s akken kan teḥma. Ur d-yeɣli yara
yiṭij uzekka-nni mi s-ed-tewweḍ tebratt belli ɣas ad d-yaɣ lekfen i
yiman-is.
Nek, nniɣ-as : “arwel ɣef yiman-ik ɣer temdint n tmenɣast”.
Yerra-yi-d belli ur izmir ara ad yeǧǧ taḥanutt-is s wacu
yett awan aṭas tawacult-is, ladɣa sin watmaten-is imeqranen i tyeḥwaǧen aṭas. Ternuḍ-as yes a kra uttalas yettwalas, ilaq ad tyer di kra n wagguren-agi i d-ittedun. Akka ihi i tella, u si tama
nniḍen ur yebɣi ara ad as-ksen taẓana warrac-agi iweṛten Ṛebbi
a zizen deg akal. Ur zmireɣ ara ad ak-iniɣ amek i d-iḍebber
timegḥelt. Yenna-yi-d belli yurga yewweḍ-ed lajel-is; ur yebɣa
ara ad as-kksen lmenṭeq mebla ma yerra ɣef yiman-is. Yeqqariyi-d yugad Ṛebbi ad t-iḥaseb, acuɣer yunef i wigad-agi yefɣen
abrid-is ad xedmen ṛṛay-nsen mebla ma yenna-d kra.
Neqqim akken aṭas n wagguren nett asa ɣef yiman-nneɣ.
Yal mara nekker ad neffeɣ seg uxxam ad nefk tiṭ ar baṛṛa
meqbel tufɣa seg ufrag. Nettnejma ed zik seg ixeddim; di
lǧama nessusum ɣas ma yella win i ɣ-ed-ilaǧen. Acu kan
simmal ileḥḥu wakud, simmal nettḥalfu s taẓin n wemxix i ɣyettarǧun. Tuɣal Lareb a akked d Blida d annar umennuɣ n yal
ass. Lbumbat ṭṭerḍiqent di yal amkan, ibulisen ɣellin am
iweḍfen, arrac ur nessin d acu i d tasartit ttwaṭfen d ihdumen ɣer
lḥebs di lbaṭel. Ad tiliḍ deg webrid tleḥḥuḍ am lmalayek, deg
yiwen umecwaṛ ad ak-refden ininǧaten s anda ur d-tettuɣaleḍ
ara. Si yal tama tinebbacin n lmut ad d-senɣarent. Deg ass
leklacat n udabu refden asenǧaq-nsen, Deg iḍ ijenwiyen n at
umadaɣ tettṛefrif tbeḥnuqt-nsen deg igenni. Lɣaci maṛṛa ṭṭfen
i ebbaḍ-nsen. Win yes an sanda ara yerwel dayen irwel, wiyaḍ
ttraǧun s usirem yefren ad i eddi ubaxix-agi mebla ma iḥuzaten.
Lfetna tcerreq iḍaren-is ɣef tmurt yuli ubuseṭṭaf. Laẓ, lqella
ixeddim, aṣarɣi, leḥqara, takarḍa, ibaṛajen, tarewla, timezliwt,
tullas yeǧlen, imeṭṭawen, a waz, ta essast, tineṭlin, aduxu, crab,
lkif, tiwwura n wuzzal, alejlej, iserdasen, ibulisen, iǧadarmiyen,
irebraben, at umadaɣ, ininǧaten, lluzinat yeṛɣan, lluzinat
imedlen, iɣerbazen yessusmen, arrac iselben, imɣaren
yenḥafen, ddin irewlen, imusnawen yessusmen, imusnawen
21

yemmuten. Anect-agi yark d wayen nniḍen i yuɣalen d talaba n
tmurt. Yeqqar-iyi-d Ḥamid s taḍsa belli cwaṭen n tmurt yellan
ttwaqnen, tura fsin-ed si rrebg-nsen. Kra ulin s adrar, kra lsan
tikaskiḍin.
Ṛuḥen-d rrebrab ɣur-es asmi akken neǧ el dayen ttun-aɣ.
Ur t-id ufin ara. Nnan-as i yiwen si lǧiran-nwen ad as-yessiweḍ
izen i Ḥamid belli tikelt-nniḍen mara d-uɣalen ɣas ad iheggi
iman-is i yinig ɣer tmes n ǧahenama. Ma yella nniɣ-ak ẓriɣ ayɣer
yeqqim ur yerwil ara, neɣ amek i d-yuɣ timegḥelt skadbaɣ-ak.
Wanag netta iban-iyi-d ussan ineggura amzun d win ittheggin
iman-is i lmut. Yuɣal yal mara isers anyir-is di lqa a zdaxel n
tẓallit, ur d-yettali yara alama nɣil waqila yemmut dayen. Yuɣal
cwiṭ n lehduṛ i necrek yekkes-iten. Iles-is ilha-d d unebder n
Ṛebbi di yal dqiqa yezmer ad iḥaref. Yenna-yi-d yiwen ubrid
belli ur yebɣi yara ad yeglu yides s imeslayen ur nem in ara. U
mi t-steqsaɣ ɣef tmegḥelt, yerra-yi-d belli xerṣum ad t-agaden
cwiṭ, ur yettak ara iman-is d asfel i yicengga n Ṛebbi.
Iṭij yuli-d aṭas n tikal, yeɣli aṭas nniḍen. Amdan ittḥar ad
yettu, ladɣa ayen ur yeḥmil ara. Nettu daɣen imcumen-nni.
Nuɣal am zik-nneɣ: axxam, ixeddim, lǧama . Acu kan nitni ur
aɣ-ttun ara.
Seld iḍelli, mi d-neffeɣ si l ica, nufa-d yiwen wehdum
yessewḥacen n rrebrab la ɣ-ttraǧǧun zdat tewwurt n lǧama .Ur
nṭiqen ɣer yiwen. Iban am yiṭij deg uzal unebdu d nekni i dqesden. Ne reḍ imir-en amek ara nesenser ɣer zdaxel n lǧama
akken a nerwel syin, nufa-d deffir-neɣ sin ijaluten i wumi rkant
leḥwayeǧ, leklacat deg ifassen-nsen. Rran-ɣ-ed sani i bɣan,
akken i d-yettara umeksa ulli-s. U
deg yiwen umecwaṛ nufa-d iman-nneɣ nettwarez s yiwen n
sselk azuran seg ifassen ɣer zdeffir. Ula d cced-nsen isbeggened acḥal arɣan wulawen-nsen fell-aɣ. Ḥulfaɣ i yifassen-iw qrib
ad gezmen. Ur zmireɣ ad ten-ssembbiwlaɣ wala ad ten-ǧǧeɣ
akken. Zzuɣṛen-aɣ-ed ɣer tlemmast n taddart s tmegḥal-nsen
akked ijenwiyen-nsen am tejlibt izamaren. Mkul tikelt ara ne reḍ
a nmuqel ɣer deffir neɣ ad d-nini lḥaǧa, ad d-ters deg-neɣ tiyta s
t ebbuṭ ujenwi s azagur neɣ tiyta u ekkaz s aqerru.
Werǧin xemmeɣ belli yezmer ad yaweḍ wass ideg-i ara ɣ22

ed-qerben, nek d Ḥamid. Imi nekni d sin yemdanen yexḍan
cwal. Ɣas akken, tikwal yettara-yasen s txenfuct mara t-id-laǧen.
Nuɣal nessusum armi uɣalen lɣaci la ɣ-ed-ttmuqulen amzun d
sin iḥarcen; nelha-d kan d lecɣal-nneɣ, ur nettaweḍ ula d yiwen.
Ziɣemma Ṛebbi aḥnin yeẓra ur aɣ-tzegel ara tbuciḍant-agi n
rrebrab i d-ihedfen ɣef tmurt.
Assa, zemreɣ ad d-iniɣ belli walaɣ imir-en iman-iw d win
yemmuten. Tekmumec tasa-w am tin n tyaziṭ. Lliɣ ugadeɣ ad dsarḥeɣ i waman n tasa zdat warrac-nni ur neswi yara tibṣelt
yerkan. Si tama-s Ḥamid ikemmel iheddeṛ yidsen am widak
yessen si zik, amzun acemma ur yelli. yeqqar-asen: « a
yatmaten, xzut cciṭan, aqla-ken ad tenɣem sin ur nuklal ara.
La meṛ nettekka ula deg ulac. Ɣas aneft-aɣ ad nṛuḥ s ixxamennneɣ am akken acemma ur yeḍri.» Nitni ččan akaṛbil. Deg
imawen-nsen ḥala imeslayen rẓagen i d-sxelḍen d kra
imeslayen n ddin i sen-d-sḥefḍen cyufa-nsen. U lɣaci yellan din
bɣan ad d-skecmen iman-nsen lemmer mači d imcumen-nni i
yewten metwal-nsen aḥlalas d rṣas. Uɣalen ur zmiren ara ad
asen-bedren ula d yiwen n wawal imi ur ttaǧan yiwen ad asenyehdeṛ. Ula d limam-nneɣ, yellan dag-I d anagi, qrib i t-id-nɣan
mi n-iṛuḥ ɣur-neɣ ad asen-yessefhem.
Teɣzi n yiḍ, nitni d asufri deg-neɣ. Uraren yess-neɣ akken
yetturar wemcic s uɣerda yettwaṭfen deg umerdax. Nek yeffeɣiyi la qel. Wannag Ḥamid ittban-ed am win i sen-izemren. Dɣa
mi bdan tiyta deg-neɣ akked uḥettet ma yella kra ad d-en-ini
iɣemez-iyi-d Ḥamid amzun d urar i netturar. Yenna-yasen : « a
yatmaten ma yella dɣa tet ewlem ad iyi-tenɣem, ttxilwat ur d ineqqet ara nek d wagi. Imi
wagi-nwen. Si zik iḥemmel-iken. Ahat d netta s yiman-is i dyesnulfan fell-i lexbaṛagi ur nṣeḥa yara fell-i. Ma yella tebɣam
ad tenɣam enɣet-ett weḥdes, mači yidi.
Tikelt tamenzut ur as-fkin ara azal i wayen i d-yenna fell-i.
Acu kan segmi yeṭṭef di rregmat deg-i belli nek d yiwen segsen,
wwḍen alarmi tumnen belli nek yides mači d imeddukal. Si tama
nniḍen, nek yufa-yi-d lḥal, teǧǧa tezmert iẓuran-iw iččan tiytiwin
n ugar n mraw (10) iterassen illuẓen idammen. Ẓriɣ-t d win
yebɣan ad iyi d-yessukes seg ifassen n cwaṭen-nni. Nek
23

kecmaɣ imir-en deg yiwet n tsusmi lqayen anda ḥala nnehtat
imeṭṭi i wumi sellaɣ yettal-id seg-i. Ḥamid, ad fell-as ya fu Ṛebbi,
yesbeṛ-asen i lewḥuc-nni makken i d as-sɣarṣayen leḥwayeǧ
yellan ɣef yiri-s akked mi d as-ssaɣayen times deg iḍaren-is
akken ad d-yenṭeq ma yella kra yeẓra.
Meqbel tafejrit, walaɣ yiwen akken n wemɣaṛ bu tčamart
tamellalt i s-ed yewwḍen ɣer tmiṭ, mi d-yusa s wezmumeg n
llufan ɣef icenfuren-is. Iddem-ed ajenwi si tmuẓiṭ-is i d-yewwi ɣef
tuyat. Yekka-d deffir Ḥamid yellan ur iban d acu yeqqar deg ulis, syin is edda-yas-ed leqḍa ujenwi ɣef temgarṭ-is tazedgant.
Ur zmireɣ ara ad medleɣ allen-iw. Lliɣ nezɣeɣ deg allen
umeddakel-iw i d-yettmuqulen ɣer tama-w. Mmektaɣ-ed imir-en
asmi akken i yi-d-yeqqar belli netta yessaram ad yemmet d
amǧahed am widak yemmuten di lgerra n Fṛansa. Ḥulfaɣ-as
imir-en belli anecraḥ n wallen-is umbe d mi d-yessufeɣ ṛṛuḥ
yessebgan-ed am win iwweḍ-en lebɣi-s. Bdiɣ acihed, mebla
aḥbas, ttraǧuɣ amɣaṛ-nni n cmata yerran iman-is d imcegge n
Ṛebbi deg akal ad d-yass ɣur-i akken ad iyi-yezlu ula d nek.
Ur umineɣ ara iman-iw mi sliɣ i ccif-nsen, yessawal-asen
akken ad kkren ad sahlen. Ur
umineɣ ara iman-iw mi d-tkakiɣ ger ifassen n limam-agi nneɣ.
Yett raḍ ad iyi-d-yekkes sselk s wacu i yi-cudden ifassen s
azagur.
Iḍ-nni, ad tecfu fell-as taddart. Tacalawt teṭṭef win akken i syeqqaren i uzal nek d Uzzal. Ḥulfaɣ i yiman-iw am win i dyuɣalen si seddaw wakal. Sliɣ meqbel tadyant-agi belli widak
yark i d-yessuksen seg ufus n yemcumen-nni uɣalen am widak
iselben.
Ayen yemgaraden aṭas deg ayen yeḍran yidi seg imir-en tuɣaliyi lmut am tebbuct n temɣart ansi i d-teṭṭḍaɣ am llufan tazmert i
tudert-iw. Ɣas akka yemmut, ass-a, umeddakel-iw, ẓriɣ mači
aṭas i yi-d mazal ad rnuɣ ɣur-es sanda yella. U ẓriɣ daɣen
belli amḍiq anda yella tura yif tizeṭ n ddunit-agi ma yefka-yak-tt
yiwen di tidikelt ufus-ik.
…………………………………………………………………………
……………………………….
24

……………………………….
D netta i yesmaren talweḥt n wakal tamezwarut ɣef
yeblaḍen iɣummen mmi-s iḥeml ugar n yiman-is. Si zik
yettwehim deg uqcic-agi i s-ed-yefka uxellaq d asusam isnen
ḥala lecɣal-is. Yettwari-yas-ed Ṛebbi am win ittasmen seg-es.
Ass-a, hat-an yeẓẓel am ujebbad deg akal asemmaḍ, deg
uxejiḍ yedreɣlen. Iban-as-ed imir-en am yiṭij deg uzal, ifhem d
netta yark i yeḥmel aṭas deg arraw-is. Tasusmi yellan ger-asen
akked wakal-agi azeggaɣ n tenṭelt yesnerna deg ul-is leḥmala
yes a ar ɣur-es. Akk diɣen yesnerna aɣuccu n widak i t-yenɣan
akka d ilemẓi.
Mi yekfa limam asarag-is s wawal: « nekni n Ṛebbi, ad
nuɣal ɣer Ṛebbi.» Yefka-yas-ed awal i baba-s n win yemmuten
akken ad d-yini awal aneggaru.
Mass Qebbani yebda-d imir-en ameslay-is.
- Ad neḥmed Ṛebbi ad t-neckeṛ ɣef ayen i ɣ-ed yefka d wayen i
ɣ-yekkes. Yal yiwen deg-neɣ yura-s Ṛebbi a zizen a layan
acḥal n wussan ara yedder di tkurt-agi n wakal. Yiwen
asseggas, wayeḍ lqern, ḥala Ṛebbi s tmusni-s i yezṛan ayɣer.
Acu kan mara tili d lmut n Ṛebbi nsebbeṛ nessusum.
Issusem imir-en mass Qebbani. Imuqel s agraw-nni n lɣaci i
d-yusan si tudrin-nni i d-yezzin i Lareb a. Seg imɣaṛen iccurfen
s arrac imectaḥ, ussan-ed ad ḥedṛen i tenṭelt n yiwet n t eqquct
n wezrar yugin ad yeḥbes tiɣerṣi. Yulwa wudem-is seg u waz n
sin wussan. Yuɣal amzun d aceṭṭiḍ i wumi yexsef waṭas n
tnelwa akked lexyuḍ. Tamxixt ideg yezzer ass-a, yeẓra d taluftis weḥdes kan. Imuqel tikelt-nniḍen ɣer widak i d-yusan ɣer
lǧanaza. Aṭas i ye qel seg widak yessen zik. Syin ikemmel
ameslay-is:
- Ḥamid, ad fell-as ya fu Ṛebbi irḥem-it, d yiwen ur neḥmil ara
lbaṭel. Ɣas d netta i d amaẓuz ger warrac-iw, zemreɣ ad d-iniɣ d
netta i d lemxiyeṛ ger-asen.
Din ulint-ed tmeqwa n waman imerɣanen ɣef yiri n wallenis, taɣect-is tṛuḥ am tin ibḥebḥen deg yiwen umecwaṛ:
-U widak i t-yenɣan d arraw n leḥram, ur nessin d acu i d Ṛebbi
wala acu i d ddin-nneɣ azedgan. Tasartit d lqella n tmusni
25

sderɣlen-asen allen-nsen. Tecfam ɣef asmi akken yella lǧama
ḥala imɣaṛen i t-yettačaṛen, netta di l meṛ-is akken kan
yessaweḍ tza (7) isseggasen, i yekcem yettẓala yid-sen. Aɣilif-is
ameqran d amek ara iseddu tudert-is deg ubrid n Ṛebbi.
Wammag, widak-agi i t-yenɣan am lewḥuc, llan ttmenṭaṛen s
tquṛar n crab deg ifassen-nsen, zennun, ttakren, ssexṣaṛen
asmi netta yufa-t-id lḥal icab di tigduda tineslemt iga deg ul-is.
Ay atmaten bɣiɣ ad asen-tinim belli snaɣ ismawen-nsen yiwen
yiwen u ddunit ɣezzifet akken ad arreɣ ttaṛ-iw. Init-asen anda
ma ddan afus-iw ad ten-yaweḍ s axjiḍ-nsen am yemṣa ṣa i dyessufuɣen tiɣirdmawin seg uxjiḍ-nsent.
Syin yessufeɣ-ed yiwet n tewṛiqt ansi i d-yeɣra ugar n mraw
(10) n yismawen n widak yettekan di lmut n mmi-s. Dɣa
ikemmel lehduṛ:
- Lemmer d yiwen i d-yusan yenɣa-t s tarṣast s aqerru, ahat ad
sebbṛeɣ; ad as-iniɣ liḥala n tmurt i d-yennan akka, yura-tt Ṛebbi
a zizen; neɣ iwweḍ-ed lajel-is. Ala widak-agi, a dawen n Ṛebbi,
ussan-ed s lemzegga n taddart. Teɣzi n yiḍ i ssufriyen deg-s
meskin. Ssarɣen-as ula d iḍaren-is lewḥuc-agi i wumi ur iṣub
ara leqran seddaw tgaṛjujt-nsen. Iqqim-asen kan d awal aḥarfi
sufella n yiles. Ttkellixen i lɣaci belli ɣef wudem n Ṛebbi i ɣef
ttnaɣen. Netta Ṛebbi yeẓra belli ɣelben cciṭan di lbaṭel xeddmen.
Ad asen-iniɣ belli nek ṛzan-iyi ul-iw, u ɣef aya ttaṛ-iw ḥlal segsen. Anda ma ddan, di ddunit neɣ di laxeṛt, yewwas ad hemjeɣ
deg ulawen-nsen alamma ggezreɣ-ten, akken ccaḍen ass-agi
ul-iw. Yenna-yak Ṛebbi a zizen di leqran, win ara yenɣen yiwen
n wemdan mebla ssebba am win ara yenɣen imdanen maṛṛa.
Taggara-s d times n ǧahenama ansi ur d-iteffeɣ ara i lebda. Deg
umur ad ṛuḥen ɣer widak iččan tamurt di sṛayat-nsen, lhan-ed d
igellilen akked iẓawaliyen, ad ten-ttḥeqqiren akk ad t-neqqen.
Ad asen-iniɣ abrid-agi d abrid n lbaṭel. Ur tezmireḍ ara ad dtawiḍ ayen ilhan s webrid ucmit. Awal-iw ɣer da i yekfa, a Ṛebbi
suref-iyi anda ɣelṭaɣ.
Yessusem seg imir-en.
Yuɣal-ed lɣaci s tsusmi iqebṛen si tmeqbeṛt. Iwweḍ-ed
yiwen ilemẓi ɣer tama n limam i yellan ileḥḥu s leḥzen di
tlemmast n lɣaci, yenna-yas s ameẓẓuɣ makken yennezrureb di
26

dqiqa am umulab di tlemmast n wehdum ileḥḥun. Ur yefhim ara
imir-en limam acu i d-yeqsed s imeslayen-agi :« ina-s i Qebbani
ass-agi ad d-nawi lqeḍ-is».
Yuzzel-ed imir-en ɣer mass Qebbani i yellan ileḥḥu ɣer
tama n umeddakel n mmi-s akked yiwen seg arraw n le mum-is.
Akken yewweḍ limam ɣur-es, yessefhem-as s usqewqew belli
tura i d-iṛuḥ yiwen seg ilmeẓyen i d-cegg en at umadaɣ, nnanas-ed belli ass-agi a t-nɣen. Uɣalen wudmawen n widak i dyeddan ɣer tama-s d iwraɣen amzun yuli-ten-id waṭan.
Icmumeḥ-as-ed imir-en mass Qebbani armi i d-banen uglan-is n
daxel.
Yelḥa yizen-agi ger lɣaci am uɣemɣum deg ass n tegrest.
Taddart yark tesla belli at umadaɣ bɣan ad nɣen mass Qebbani.
Tikelt-agi, akken ma llan yark lɣaci i ḥeḍṛen, ḥulfan i wayen
akka iḍeṛṛun d lbaṭel aḥarfi. Ɣas s tufra kan, heddren yark belli
mači d lḥeq ad tenɣeḍ aqcic syin ad ternuḍ baba-s imi i d-yenna
kra imeslayen i t-iqerḥen. Acu kan, si tama nniḍen, ur s in acu
izemren ad xedmen imi ula d nitni ulac acu ara sen-iḍemnen ur
d-tezzin ara yewwas fell-asen. Widak iḥarcen, dayen deg allaɣnsen aṭas i telḥa tikti unejli si taddart. Qqaren, ger-asen d
yiman-nsen, ahat ad d-uɣalen yewwas asmi ara t eddi taluft-agi.
Ẓran makken inɣan aqcic-nni n Qebbani, win akken ur netteki la
di tmecṭaḥ la di tmeqranin, dayen ulac acu izemren ad d-yeṭṭef
imexlaq-agi ɣef tufɣa seg ubrid n Ṛebbi.
D awezɣi ad qqimen ur d-tezzin ara fell-asen yewwas.
Lfetna tga am usemmiḍ, tzemreḍ ad as-tḥalfuḍ, tamuɣli ur tttettwaliḍ ara. Ur tes i acu ara tt-iqazmen, themmel am yilef
yettujerḥen, themmej deg uzegzaw akked uquran.
Deg uxxam n limam, mass Qebbani yeččuṛ s tira qrad (3) n
tewriqin. Syin yerra-tent ɣer qrad (3) n tjellabin anda yura
tansiwin n warraw-is akked tansa n temeṭṭut-is yellan di
tmanɣast. S wecmumeḥ yugin ad yekkes tura seg udem-is,
imudd-itent i limam i s-ed-yennan:
-a si Ḥmed, mači d ṛṛay tiɣimit-ik dagi, ass n wass-a. S iɣ yiwen
umeddakel-iw di Blida, s lfeṛḥ ara k-yessens ɣur-es sima ara dyaweḍ wass n tmesrifegt ara k-yarren ɣer tmenɣast. Akken ur
aɣ-ed-ttwalin ar medden, ad tgezmeḍ seg uxxam-iw ayla lḥaǧ
27

Mussa yettawin s abrid. Ad as-iniɣ i Mulud, mmi-s n xalti-k ad kyarǧu s ufergu-s. Ulac anwa ara yeẓren; di semmus(5) n
dqayeq, ad asen-tezmiḍ qeḍran s allen i widak i d aɣ-iɣuccen.
Ma d wigi akka za ma yefɣen abrid n Ṛebbi, d Ṛebbi ara tenisnegren ma yebɣa ncallah.
Igzem-as-ed imir-en mass Qebbani awal:
- A lḥaǧ Sma il, lxiṛ-ik meqqer aṭas, tbeddeḍ yidi am gma, ur
ẓriɣ amek ara k-ed-rreɣ ula d ibizzeḥ seg-s. Ẓer kan, arraw-iw
ad fehmen tamsalt ma yella tessawḍeḍ-asen tibratin-agi-nsen.
Nniɣ-asen ad d-lhun d yanbabat-sen akked yessetmat-nsen. U
rniɣ-asen ayen yark ẓriɣ ɣef widak yenɣan gmat-nsen. Nutni ad
muqlen acu ara xedmen asmi ara tefru.
Inṭeq-ed imir-en limam:
- Ahya gma! ini-iyi-d, yakk ur tebɣiḍ ara ad t-cegg eḍ arraw-ik
ɣer lfinga, wa d-teǧǧeḍ tameṭṭut akked snat tuqrar i laẓ akked
lemḥayen. Ṛuḥ kan xdem akka i k-ed-nniɣ; Ttaṛ mači dayen ara
ifuten. Yernu xerṣum lemmer i d as-nezmir.
Yerra-yas-ed:
- Yakk, keč a ccix d win iɣran leqran. Teẓriḍ d Ṛebbi i ɣ-yuran
acḥal n wussan ara nes eddi di ddunit. Ma yella ass-a i k-yura,
ass-a ara temteḍ, ma yella umbe d lqarn, ihi umbe d lqarn. Ur
tezmireḍ ad tzadeḍ wala ad tesneɣseḍ ula s dqiqa. Ihi a gma,
lḥaṣun ass-a dagi ara ternuɣ. Ma bɣan cwal aqli-yi dagi ɣur-sen.
-a si Ḥmed ur asen-tezmireḍ ara. S an timegḥal; ttidiren di
tẓegwa. D tidett, nutni ma bɣan alba ḍ ishel ad t-awḍen. Ma
yella win i ten-yebɣan ulac anda ara yaff ṛṛiqa-nsen. Yernu ahat
tecfiḍ fell-asen. D widak-nni zik yettmenṭaren di taddart. Uɣalen
tura sersen-d rrehba di tuddar-agi-nneɣ...Tazwara, nezmer ad
d-en-ini s an ssebba ma fɣen mgal adabu, acu kan syin uɣalen
ɣelben-t di tlufa i d-itekken seg-sen. Aɣbel-nsen ameqran d
timenɣiwt; Ǧa len ma yella nɣan aǧadarmi neɣ abulis yella kra i
snernan di temsalt-nsen. Ṛebbi yeẓra d adabu i ten-iḥetmen ad
fɣen s amadaɣ deg aṭas n tikal. Azgen n widak yefɣen, fɣen si
tagdi n lḥebs akk timenɣiwt mebla ma eddan di cra . S kra n
win cikken, imsulta, deg iḍ (s timelsa n lininǧa) ara d-ṛuḥen ad tleqḍen seg usu. Dɣa seg imir-en, ulac abrid ar win ara yawin.
Yeffeɣ-ed yizen belli neqqenten, ma na anwa izemren ad
28

yetḥeqeq. Acu kan daɣen widak-agi yefɣen, ad twehmeḍ ayɣer,
ifeɣ-iten la qel seg asmi fɣen s amadaɣ. Ad as-tiniḍ d ttaṛ i bɣan
ad d-arren si lɣaci ur neddi yara yid-sen. Ternuḍ-as lqella n
tmusni di ddin-nneɣ. Uɣallen ḥarsen-tt yiwen n weḥras di ddin, u
lemmer ad d-tawiḍ imeddukal n Nnbi (Taẓallit d slam n Ṛebbi
fell-as) ur tt-ttelliken ara ger-asen. Kullec-nsen ikeffu s ujenwi.
Ugadeɣ a gma, qrad(3) isseggasen-agi yezrin ad ifen widak i diteddun. Mkul maṛa ẓẓallen deffir-i di lǧama qqareɣ-as kan tura
ad yekker yiwen seg-sen ad i-yezlu si zdeffir.
Ters-ed tsusmi ger sin imeddukal yewet zman ɣer iɣisan.
Ula d yiwen seg-sen ur ixemmem ad d-yaweḍ wass icuban
wagi. Ass-a, tamurt tuɣal d annar n ilefḍan akked wammus.
Idammen uɣalen ttmirin akken yettmiri ugeffur anda nniḍen.
Werǧin meyzen belli yezmer ad d-yaweḍ wass anda d arracnsen ara sen-yuɣalen d iwaɣezniwen, yerna s yisem n ddin
ttwalin si zik d azedgan. D tidett ula d nitni fɣen yewwas s
amadaɣ. Llan meẓẓiyit, u ass-nni iban anwa i d acengu. Ɣas
yeḍra lbaṭel di kra imeḍqan, di tugett n tegnatin amennuɣ-nsen
iban am aggur deg ass n tziri.
Imir-en seg yiwet n texxamt d-isuman aḥanu, teffeɣ-ed yellis limam tamectuḥt, tin akken i sen-d-yewwin iḍelli latay.
Yexenčew yark wudem-is seg imeṭṭawen; iban ula d nettat ur
teṭṭis ara. Tenna-yas i mass Qebbani s yiwen n ṣṣut yeṭenṭunen
am ddkir:
- Ḥamid iffer timegḥelt-is deg yiwen uxjiḍ iɣaz seddaw lamusyas n wuzzal. Ad tafeḍ yerra s ufellas qrad(3)n tkarlajin
timeqranin. Ma yella kra yellan ddem-itt-id.
Ikker baba-s imir-en ɣur-es, iṭṭef-itt-id si tuyat-is, syin yerratt s leḥder ɣer texxamt-nni ansi i d-teffeɣ. Yufan zdaxel
yessetma-s yeqqimen s tsusmi d leḥzen. Dɣa irfed-ed taduli.
Syin yesɣim yelli-s, iṭṭanez, yekkes-as tibacmaqin-is. Yeẓẓel-itt
deg ussu-s dɣa yessuden-itt-id seg unyir-is.
Yugi mass Qebbani win ara yeddun yides s axxam-is,
umbe d mi d-yelqeḍ cwiṭ si lmakla i s-ed-sersen d imensi deg
uxxam umeddakel-is. Deg ubrid-is yemlal-ed aṭas lɣaci i dmazal ur kcimen ara s ixxamen-nsen. S kra n win i d-yemlal
isellem-ed fell-as.
29

Segmi yesla i lmut n mmi-s, ur t-id tekka tiṭ. Dɣa tura makka
yekfa kullec yebɣa ad yeṭṭes taguni iḥeqqiyen; yebɣa ad yeṭṭu
belli ččan-as tasa-s widak-agi ur nessin ara Ṛebbi. Ixemmem
belli akka tura ad yew eṛ ttaṛ seg-sen. Acu kan ad d-yaweḍ
wass ideg-i ara d-ters talwit, u widak yettekkan yark deg usufri
akked tmezliwt n mmi-s, ad xelṣen imir-en.
Yenna ger-as d yiman-is, ad yesseqwi di tẓilla-s asteqsi n
Ṛebbi arma d ass ideg-i ara s-ed-yemmel amek ilaq ad asyeddu i temsalt-agi-ines. Acu kan ass-a d ass n tguni. Taguni
iḥeqiyen.
Ṭwiqan yark n wexxam s an icebaken n wuzzal. Tawwurt
ula d nettat n wuzzal; ẓẓayet aṭas. Yenna ger-as d yiman-is belli
mmi-s yeẓra acu i iḍerun. Degmi i iḥerrez yark akka i wexxam.
Syin iṛuḥ ɣer texxamt anda sarsen legrawez yark n wexxam, imi
ǧǧan amḍiq i yime wuza. Am ugecmuc yeqquren iḍegger imanis mass Qebbani ɣef umeṭṛaḥ amezwaru i iwala zdat-es.
Akken kan dɣa isers aqerruy-is ɣef tsumta iwala zdat-es am
tilibizyu arraw-is asmi llan d imectaḥ; ass-nni ḥala arrac i dilulen. Lḥara n wexxam tettban-asen-d am yillel. Ulac acu ur
ten-nettawi si teɣmert ar tayeḍ. Tturaren timbbufra, alqafen,
tuqqar, ddabax, illelucen, tiḥjuṛin d tcirett, amrar d waṭas n
wuraren i d-snulfuyen yal ass. Yemmat-nsen si ṭṭaq n tkuzint
tett assa-ten-id ma yella i ten-yettaɣen. Imekta-d imir-en belli
Ḥamid asmi yella d amectuḥ ur yemxallaf ara netta d watmatenis, imi incef anect-nsen neɣ tikwal ugar nsen.
Deg ussan-nni, mass Qebbani yeṭṭef ixeddim di lluzin yellan di
Lareb a. Ɣas yew eṛ cwiya ixeddim, allaɣ n lɣaci yers, ulac imiren tilufa-agi i d-yennulfan tura. Imir-en ččan medden aɣrum armi
i t-ṭeggiren. Degmi yettru tura mi yettnezzih deg ussan-nni anda
nniya n wulawen tettemyezwar nettat d tizeṭ n tmuɣli deg arrawis. Ur yeẓri yara tura ma yella d amekti i d-yettmekti neɣ d
anekcum i yekcem di targit. Ula din yegguma ad yessekcem
tidyanin yeḍran tura d warraw-is.
Yugi ad d-yemmekti belli yiwen seg-sen hat-an yeẓẓel s
snat lmitrat seddaw wakal ɣer tama n yemma-s i t-yezwaren
asmi yeḥbes wul-is akka kan. Ur yebɣi yara ad d-yerr ɣer lbal-is
belli ameqran-is hat-an di Marikan yettnaɣ d zher-is amek ara d30

yawi lekwaɣeḍ-is. Aneggaru ittu-t belli yuɣal am uqjun inecfen
seg-asmi i tewwin si tesdawit n Blida ɣer l eskeṛ. Ayen yark
yebɣa d tamuɣli-nsen tura ɣer lḥaṛa amek ttaḍsan am yefrax
izedganen zdat wallen n yemmat-nsen tacebḥant. Yemḥa yark
ayen i d-yernan n iɣeblan; Yesfeḍ aḥbas n lluzin n Lareb a
akked ustixeṛ seg uxeddim; Yekkes isseggasen n tuǧla akked
laẓ i t-yesbbehdlen zdat warraw-is. Ula d tullas timecṭaḥ ur
asent-ed-yewwi ayen bɣant. Kkrent-ed di lmiziriya, werǧin ččant
ar tawant. Degmi yuɣal yers am tebḍant; Azewax-nni yella d
ilemẓi, yefɣen d amǧahed asmi tizyas mazal ttbibintent tiyayatinnsen, tewet-it ddunit armi yuɣal yezga uqerruy-is imal ɣer wakal.
Ddunit tesselmed-as sbeṛ akked usmecṭeḥ n yiman-is.
Tessawḍ-it armi qrib yeqbil akarni n yemǧuhad, win akken yugi
mi iwala acu iwala seg umyezwer s adrim. Imeddukal-is yuɣalen
imir-en d imɣaren ur fhimen ara amek yugi akaṛni di lawan
widak yark werǧin snen acu i d amadaɣ s an ikaṛniyen. Segmi
teḥbes lluzin anda ixeddem i ṛeq-as anda ara yerr. Yesseḍḥa
ula d anadi n ixeddim nniḍen. Ur yebɣa yara ad yuɣal ɣer
imeddukal-nni, d wumi yennuɣ aṭas imi beddlen lbistat-nsen
umbe d mi tewwi tmurt azarug-is.
Yers-ed yisiḍ di targit-is. Amzun d alba ḍ s wefḍis n nḥas i
t-yekkaten ɣer tafkert uqerruy-is. Yebɣa ad yemdel imeẓẓaɣ-is
akken ur isel ara i z aḍ-agi yerwin ul-is. Ixemmem deg ul-is
ahat d alejlej n win i wumi yemmut mmi-s yeḥmel xir n wayen
yark ileḥḥun di ddunit. Dina i d-yetkaki.
Ziɣemma yella win i d-yesṭebṭuben di tewwurt s tidett. Irfeḍ-ed
iman-is s la gez n win ur neṭṭis ara sin wussan. S wallen
yeččuṛen d nadam akked ifassen yelleɣwan, iṛuḥ ad d-yelli
tawwurt n wafrag. Yelli-d tawwurt, yebda issefeḍ s iḍudan
imeccaḥen allen-is akken ad iwali anwa i t-id iceṭnen si tguni-s.
Ixeṛṛa ɣer zdeffir mi iḥulfa, i txenfuct n tmegḥelt i wumi
yettwagzem uteyyut-is, ters-ed am yir tawkilt ɣef yedmaren-is.
Irfed aḍad-is ɣer yimi-s, syin icuhed. « la ilah ila allah,Muhamed
Rasul llah.»
Aqcic-nni is an kra ineẓdan yefruza en di tamart-is ikkes-as
ackil i tmegḥelt-is. Syin yenna yas i mass Qebbani: « mmet a
ya daw n Ṛebbi.» Ijbed di znad, iserreḥ-as.
31

Acemma ur d-yeffiɣ; t ekkeṛ tarṣast deg uja bub n
tmegḥelt. Akken iwala mass Qebbani acu iḍeṛṛun ifka-yas tiyta n
arkel s idmaren i weqcic. Dɣa aken yemmeɣ ad as-ed-yekkes
timegḥelt-is iwala imeddukal-is yellan fren di teɣmert n wezniq
mi la d-ttazalen ɣur-sen. Amcum-nni mazal-it yeṭṭef di tmegḥeltis, yugi ad as-iserreḥ. Akken iwala akken, yuɣal yekcem s
axxam-is. Imedel-ed tawwurt–nni n wuzzal s isekṛunen yark
yellan degs. Syin d tazla ɣer wanda tella texxamt n mmi-s. Imi
ḥala taxxamt-nni i yeǧǧa akken ur tt-yessexdem ara i we waz.
Srid, qbala ɣer umeṭraḥ n mmi-s. Yeẓẓel seddaw-s, inuda
ma yella kra ara yaf. ulac. Syin yekker-ed, izuɣer-ed ameṭraḥ
ɣer yiwet n teɣmert n texxamt. Imuqel s akaṛlaj ma yella kra ad
d-ibanen. Ulac. Dɣa yebda asṭenṭen s ufus-is ma yella ad d-yerr
ukaṛlaj tiɣri.
Amecwaṛ yufa amzun d lɣem yersen di tegnitt. Ye reḍ ad dyessali tablaṭ-nni s yeccaren-is, ur yezmir ara. Dɣa d tazla ɣer
tkuzint ansi i d-yewwi yiwen ujenwi ameqran yufa di leqjaṛ. Dɣa
imir-en isekcem lmus ɣer tkaṛlajin akken ad d-tali teblaṭ. U
dayen yeḍran. Akken i d-tuli cwiṭ, i awen-itt-id s iḍudan-is yečča
lḥif di tniri.
Timegḥelt d taqdimt, tes a sin ikerṭac zdaxel-is akked d
yiwet n tkaṛtunt tamectuḥt ɣer tama-s ideg-i llant qrad(3) n
tkerṭac nniḍen. Iban-ed yefṛeḥ mi tt-iwala. Irke imir-en ɣef
tgucrar-is, anyir ɣef ukaṛlaj iḥemmed u yettcekkir di Ṛebbi i s-ed
iceg en widak seg wumi ara d-yerr ttaṛ-is. Inna ger as d yimanis ma yella yessaweḍ ad ineɣ yiwen seg-sen yeqbel ad yemmet
akken s tasa-s isemḍen.
Imuqel si cqayeq n ṭṭaq yettaken ɣer lḥara, iwala din azal n
(20) n yergazen i yellan qimen am widak yettraǧun kra. Issawelasen i widak yefṛez ger-asen. yenna-yasen:
- acu i tebɣam?
Yerra-yas-ed yiwen seg-sen;
- a si Qebbani, nebɣa ad ken-nẓer yiwet n dqiqa. Awal aḥarfi
syin ad k-neǧǧ.
Yerra-yasen-d:
- acu i tebɣam? i wayen akka i txedmem tura d acu-t ihi? aqli a
sellaɣ; init-ed ayen i ken-yehwan!
32

Yerra-yas-ed winna:
- Nenna-yak lli-d tawwurt, teffeɣeḍ-ed a nqeṣer. Nes a aṭas n
tɣawsiwin ad ak-tent-nini.
Ixemmem ger-as d yiman-is belli yezmer akken ara yesḍil
aqerruy-is si tewwurt ad t-id nɣen. Acu kan s semmus-agi(5)
ikerṭac yes a ur yezmir ara si leb id ad d-yenɣ yiwen seg-sen.
Dɣa iddem-ed isers timegḥelt ɣer tama n tewwurt. Isebded-itt
ɣef txenfyac-is akken ad yizmir ad tt-id-yerfed si zdat n wemnaṛ.
Dɣa yenna-yasen i widak yeqqimen di lḥara:
- Cegge t-ed ccif-nwen weḥdes ma yella kra yebɣa ad d-yini,
wiyaḍ ad n-grin ɣer zdeffir. Ur ken-umineɣ ara.
Ḍsan aṭas ilmeẓyen-nni yellan la ttqesiṛen di lḥara. Yennayasen win i ten-iḥekmen belli yeshel ad t-id-yejbed ma yella
yeffeɣ-ed zdat tewwurt. Dɣa kkren-d uɣalen ɣer tama n tsemmit
n wuzzal n lḥaṛa; Ḥala ameqran-nsen i d-yuẓan ɣer zdat n
tewwurt ansi i d-yeffeɣ mass Qebbani. Syin yenna-yas-ed bu
učamar-nni:
- Twalaḍ amek i tḥarceḍ. Mebla cwal nezmer ad nefru timsal
yenna-yas-ed imir-en mass Qebbani:
- Acu tebɣam tura seg-i. Yakk win i ken-yerḥan dayen tenɣam-t
neɣ...
Inṭeq-ed winna s ucmumeḥ am win yuɣen tannumi
ttaggaden-t wiyaḍ:
- Ayen nebɣa tezriḍ-ṭ. Nebɣa kan ad d-tefɣeḍ ɣur-neɣ akken ad
d-tessutreḍ smaḥ ɣef ayen akken i d-tenniḍ tasebḥit-agi di
tenṭelt fell-aɣ. Teẓriḍ aṭas n lɣaci i d-yusan seg aṭas n tamiwin u
anect-a iḍuṛṛaɣ aṭas. Barka-yaɣ idammen. Mmi-k ad fell-as
ya fu Ṛebbi d netta i tt-id yewwin i yiman-is. Ma yelha wul-is
Ṛebbi ad t-yawi ɣer ṛṛeḥma-s. Ma diri-t ur yes i yiwen acu i
yezmer ad as-yexdem. Ma d keč, ssuter-ed smaḥ tura, syin ad
tuɣal targa n waman s amḍiq-is amzun acemmek ur yeḍri.
Mass Qebbani yeǧǧa ṭṭaq ansi yella la s-iheddeṛ, iṛuḥ yellid tawwurt s la qel. Dɣa akken i tt-id-yelli yark, yeɣlli-d deg udem
n win akken-nni iḥekmen widak yenɣan mmi-s, la s-edittecmumuḥ s wuglan-is imellalen am udfel yefren di teẓgi n
inezḍen iberkanen. Ul-is yebda la iḥebbek; ur yeẓri ma yella si
tagdi ad t-nɣen neɣ si tcallawt n lǧahd iṛuḥen; yufa-d iman-is ur
33

yezmir acu ara yexdem zdat tejlibt-agi iwaɣzniwen iɣilen belli d
nitni i d imawlan n tidett i d-yefka Ṛebbi i lɣaci. Dɣa yenna-yas
- Amek tenɣam mmi, yerna tebɣam ad ssusmeɣ. D acu-t wagi
ma yella mači d tihudit. Ma tebɣam tameḥqranit xeṛṣum bɣut-ett
inani.
Myesmuqalen deg allen am sin icenga yettnaɣen si zik.
Ifeṭiwjen i d-ṭṭeggiṛent gan am sin ijenwiyen yettnaɣen deg
ubeḥri asemmaḍ. Yiwen d amɣaṛ kercen wussan iberkanen si
tmelɣiɣt, wayeḍ d ilemẓi, d aterras akken yebda amured ɣef tlufa
n ddunit. Amecṭuḥ icuba ameqran asmi yella anect-is; ameqran
icuba acu yezmer ad yuɣal umecṭuḥ. Mlalen deg yiwet n tegnitt
sin yexfawen n wemrar deg i yal yiwen yezzuɣur ɣer yidis-is
armi qrib ad yeqqerṣ. Ulac tifrat. D awezɣi umsefhem ger-asen.
Ɣur-sen kan ḥala ad myezmaḍen am lmut akked tlalit. Wanect-a
fehment di sin.
Issufeɣ-ed imir-en bu tčamart tameẓyant si lǧib-is, isers-astt ɣef yedmaren i mass Qebbani. S ufus nniḍen iṛuḥ ad t-idyejbed si lkum n lbista-s akken at yawi s imeddukal-is. Dɣa
iwexeṛ mass Qebbani ɣer yiwen yidis u yerra s lemɣawla afus
ucengu-ines seddaw teɣṛut-is. Syin yefka-yas tiyta s tka burt
ufus-is s anzaren.Din,yeɣli bu učamaṛ ɣer deffir. Akken iwala
akken-nni issufeɣ-ed a baṛ si tmeẓyant-is di lewhi n mass
Qebbani i d-irefden imir-en timegḥelt-is yellan ihegga-tt zdeffir
tewwurt. Iwhem yilemẓi-nni mi iwala tarṣaṣt-is ur t-tḥuza yara,
akk daɣen mi t-iwala s tmegḥelt. Ur yeḍmi ara ula d yiwen
webrid belli yes a-tt. Tixnefyac ɣef yedmaren-is, ijbed znad qrib
s lfaṛḥ. Yeṛeqraq weqcic ɣef u rur-is am teslent yerkan.
Uzlen-d imir-en imeddukal-is yellan ɣer tsemmit n lḥara, u
meqbel ad d-refden tiklacin-nsen yufa-d lḥal yekcem mass
Qebbani s axxam. Isekkeṛ-ed tawwurt makken yebda ubruri n
rṣas ɣef tewwurt-nni n wuzzal. Akken iwala akken yeḥnunef ɣef
ukaṛlaj am ijirmeḍ. Ihegga timegḥelt-is qbala ɣer tewwurt akken
ma yella win i d-ikecmen ad as-yefk s idmaren ikerṭac i s-edyegran.
Amecwaṛ, yexsi zhir-nni n rṣas. Ixdem mass Qebbani afud i
yiman-is, ɣas akken qerḥent tgucrar-is mi yeɣḍel iman-is ɣer
lqa a. Yuẓa ɣer ṭṭaq. U seg yiwen n yidis ibda amuqel ɣer baṛṛa.
34

Imṛeq imir-en yiwen seg-sen issened s iɣallen-is ɣef yiwen
uqenfud n wakal, aḥric ameqran seg uzagur-is iban-ed yark.
Dɣa yessufeɣ-ed mass Qebbani si cqayeq taxenfuct n tmegḥelt,
iwehha-tt metwal s a rur-nni. Iqmeḍ nnefs-is, imdel tiṭ-is
tazelmaṭ, ijbed di znad ɣer deffir syin iserreḥ-as.
Yesla-yas i winna mi yemmeṛmeɣ di baṛṛa. Ur ẓran ara
imeddukal-is acu yeḍran yides. Daɣen ur ṛǧin ara akka ara sentuqqel tmeddit-nsen. Ahat mi slan s wacu i d-yenna mass
Qebbani fell-asen di tenṭelt, nnan-as belli ilaq-asen ad gezmen
azaṛ isseḍwayen di taddart-agi meqbel ad d-nulfun wiyaḍ am
wagi akka i d-mlalen.
Fran-tt deg allaɣen-nsen belli ayen i d as-yehwan yeḍru ur
ilaq ara ad ṛuḥen s yinna mqbel ad d-awin lqeḍ n mass Qebbani
yefren tura deg uxxam-is.
Yuɣal imir-en rṣas i d-iɣellin ɣef uxxam am ubruri. Leḥyuḍ
yark ṭṭuṭcen, asɣar n ṭṭwiqan yefla yark. Yeḥnunef mass
Qebbani armi d talemmast uḥanu akken ad yerwel i rṣas i dikečmen tikwal si llajuṛ yeflan.
Ixemmem ad yarǧu sima ḥebsen aseglef-agi-nsen akken ad
yuɣal ɣer ṭṭaq-is ansi ara ye reḍ ad d-isseggeḍ yiwen nniḍen.
Ticki yebda ineqqes ṣṣut-nni uḥlalas iselben. Yekker-ed mass
Qebbani ɣef tigucrar-is akken ad yecrured ɣer wemḍiq-nni, ɣer
tama n ṭṭaq dɣa iḥulfa am usennan yentan deg u bbuḍ-is. Ikker
isuma-t, yufa-t yetteḥnucuḍ u yeḥma. Yeḍsa mi ifaq belli ḥuzant-id warraw n leḥram-nni yellan di baṛṛa, issekcem aḍad-is deg
uṭiṭuc i d-teǧǧa tarṣast deg u eddis-is, syin icuhed am win
yeẓran belli tudert-is ad tleḥḥu ad tessiweḍ ass-is aneggaru di
ddunit-agi. Yerna yeḍsa imi si yiwet n tama yugad acu i tyettraǧun umbe d lmut, u si tama nniḍen iḥar ad iẓer acu yellan.
Yernu ur yezmir acu ara yexdem umbe d ayen akka iḍerrun.
Tuɣal tudert-is teffeɣ seg ufus-is. Acu kan iḥulfa i usismeḍ n
tasa-s, ladɣa makka i d-yerna iṣṣegged-ed wis sin-nni.
Iban ḥṛuṛan widak yellan di baṛṛa, imi kra seg-sen wwḍen-d
armi d yiwen n lḥiḍ n wexxam anda bdan ahuddu deg-s s yiwen
n ddakum. Dɣa akken yesla mass Qebbani i uṭenṭen n wuzzal di
llajuṛ, iɣawel ɣer ṭṭaq yellan di tama n lḥiḍ-nni. Syin imuqel si
cqayeq, iwala azal n qrad(3) seg-sen ṭṭfen yiwet n tdebbuzt n
35

wuzzal, kkaten yess lḥiḍ. Yelli-d imir-en cwiṭ ṭṭaq ansi i dyessufeɣ tixenfyac n tmegḥelt n mmi-s. Syin issereḥ-as i sin
lewǧuh. S yiwen iḥuza yiwen seg irebraben s aḍaṛ, ma yella d
wayeḍ iwet deg yiwet n sebbalt n waman, imi yufa-ten-id lḥal
rewlen mi yeffeɣ we baṛ.
Yezmumeg mass Qebbani mi d-yeddem takarṭuct
taneggarut, yerra-tt ɣer zdaxel n tmegḥelt. Yerna yezmumeg mi
inuda s uḍad-is aṭiṭuc-nni i d-teǧǧa tarṣast yeflan a ebbuḍ-is.
Issekcem-it am akken ara t-yessekcem deg anzaren-is. Iḥulfa i
yidammen mi d-tt-feggiḍen seg-s am tbezziṭ n waman
tamectuḥt. Ɣas mači aṭas i d-itefɣen idammen si t elliṭ-is,
aqerruy-is yebda la yettṛuḥu sya ɣer da. Tuɣal tmeddurt-is d
taḥlawant di targit n wallen ibṛaṛḥen, ideg-i yezzer tura. Kullec
iban-as-ed am aman izedganen. Imir-en, ɣur-es acemma ur
yeswi. Kullec di ddunit ad d-ilal ass-a akken ad yemmet azekka.
Ass-a netta iga am uqerquc di tenqeltt umbe d mi yeqqel d
iniɣem; abeḥri amectuḥ ad t-id-yesseɣḍel seg ixef anda is edda
tudert-is maṛṛa.
Yelli-d allen-is iwala lexyal n Ɛumaṛ, ameddakel n mmi-s.
Yella am akken ad as-yettcudu yiwen ubeḥnuq amellal i lǧarḥnni yellan deg u ebbuḍ-is. Iḥulfa i wezmaḍ i s-iqarḥen izeṛmanis dɣa yenna-yas:
- a Ɛumaṛ, ttxilek ini-yi-d, keč tura nessaḥ neɣ d lexyal kan i kid-ttxyaleɣ deg allaɣ-iw. Axaṭer tqerḥeḍ-iyi a ebbuḍ-iw.
Yerra-yas-ed win akken i s-ed-ibanen d lexyal:
- mači d targit i tettarguḍ. D nek i d Ɛumaṛ s yiman-is. Mi yesliɣ
acu iḍeṛṛun yid-ek ussiɣ-ed ad ak-fkeɣ afus. Yernu wwiɣ-ak-ed
takaṛṭunt ikerṭucen yeǧǧa ɣur-i Ḥamid meqbel ad yemmet.
Yerra-yas-ed imir-en mass Qebbani i wumi qemcent wallen:
- Teẓriḍ, yiwen seg-sen wwiɣ-ed lqeḍ-is, sin aḥazi ḥuzaɣ-ten
acu kan ur zmireɣ ad d-iniɣ ma yella mmuten, neɣ ala. I keč
amek i d-kecmeḍ? Ahat wallan-k-id. Yehwa-yak kan tefkiḍ-ed
aqerruy-ik ɣer lfinga. Nek dayen waqila ass-a ara ken-ǧǧeɣ.
Yenna-yas-ed imir-en Ɛumeṛ:
- Sbeṛ kan cwiṭ, qrib ad d-yali wass. Nitni uɣen tannumi deg uzal
xemten am cmayet. Tura a ṛuḥen. Sbeṛ kan cwiṭ. Ma d
anekcum-iw, kecmeɣ-ed si ṛṛef n wexxam anda yexdem Ḥamid
36

tiseddaṛin. Negzeɣ-ed seg uxxam n lǧiran-nwen. Yufa-yi-d lḥal
s iɣ tasarut n tewwurt n wuzzal i d-yettawin si sqef.
Yessusem cwiṭ, syin ikemmel awal-is:
-Taddart kamel ur tt-ye ǧib ara lḥal. Ayen akka iḍerrun i edda
lmuḥal. Bɣiɣ ad ak-ed-iniɣ yiwen wawal, acu kan mači dayen
walaɣ s yiman-iw…
Yenna-yas-ed mass Qebbani deg wumi i d-iban eggu n
win i wumi yuzlen aṭas idammen:
- Ini-d ammi, acu tebɣiḍ ad meyzeɣ di dqayeq-iw tineggura; Ɣas
ini-d ur cli eɣ ara.
Yenna-yas:
- Nnan-ed kra,ɣas nek ur walaɣ s yiman-iw, belli limam-nneɣ
nɣan-t iḍelli umbe d taẓallit n l ica. Nnan-as belli d netta i d aked-yefkan ismawen-nsen. Anect-a dayen i wumi sliɣ di tezniqtnneɣ. Nek iqiḥ ur walaɣ s yiman-iw… Dɣa nniɣ-as ger-i d yimaniw belli lmut yiwet. Nniɣ-as ɣas ur mmuteɣ ara nek d Ḥamid seld
iḍelli, ihi ass-a ad mteɣ d baba-s ma yebɣa Ṛebbi. Yernu ar
melmi ara regleɣ fell-asen?
Dɣa ikker imir-en yeḥnunef s umured armi d yiwet n
texxamt akken ad d-yawi yiwet n tduli. Iṣubb aqerruy-is, imi
tikwal akka tett eddi-d terṣaṣt ɣer zdaxel n wexxam. Mi iṛuḥ ad
as-ed-yekkes timegḥelt i wemɣar yufa-t yeckenṭeḍ deg-s s
wayen yark i s-ed-yeqqimen n tezmert. Yessaki-t-id si tnafa-nni
deg-i yezzer akken ad as-tt-id-yefk. Syin iddem-ed ikmes-it di
tduli i d-yewwi si texxamt, imi yebda wemɣar ad t-tkečem tawla
n tesmeḍ.
I emeṛ Ɛumaṛ timegḥelt s sin ikarṭac. Dɣa yuẓa ɣer tama n
ṭṭaq seg ansi i tt-iwehha ar widak d-ikaten s rṣas s axxam. Iqqim
ɣef tgucrar, iḍaren-is la ttargigin am snat tɣunam. Syin irfed
znad iṣerreḥ-as. Seg makken ur yuɣ ara tannumi, tejbed-it
tmegḥelt s igenni anda yeṭṭarḍeq we baṛ deg iri n ṭṭaq i wumi
yessufeg yiwet n teɣmeṛt.
Si texxamt ɣer tayeḍ, si ṭṭaq ɣer wayeḍ yettazal s waḥnunef
di lqa a weqcic yettun belli qrib yemmut sin wussan meqbel.
Iččuṛ leǧyub userwal-is akked d ubalṭu-ines d ikeṛṭac s wacu
yekkat ɣer baṛṛa. Ɣas ulamma ula d yiwen ubrid ur iḥuza yiwen
si irebraben-nni i d-izzin i wexxam acu kan ur asen-yeǧǧa yara
37

ad d-aẓen ɣur-es ula d yiwen n yiɣil. Ikkes-asen taẓana. Netta i
t-yettawin i t-yettaran si sqef n wexxam ɣer texxamin n wadda.
Ayen yark yeḥṛarten ad yeḥriret yides. Tuɣal-as timegḥelt s
wacu yekkat amzun d afus-is-nniḍen. Ikcem-it ḥamu-nni akked
tiselbi-nni n win yeẓran iman-is yezmer ad yemmet ger dqiqa d
tayeḍ. Dɣa yebda yettčihid mebla aḥbas armi yuɣal yenṭeḍ u
yeddukel deg imi-s ucihed akked nnefs yettnefis.
Seg umecwaṛ ɣer wayeḍ yettuɣal-ed ɣer tlemmast uḥanu
anda yeẓẓel mass Qebbani, yettami-yas tamgarṭ-is, yettmuqul
ma yella yewweḍ la fu n Ṛebbi neɣ mazal. Yal tikelt yettaf-it-in
yuɣal d awṛaɣ ugar n wayen yella meqbel. Dɣa din ad icihed fellas akken yezmer ad icihed ɣef yiwen yemmuten. Iẓra ger-as d
yiman-is d awezɣi, u d lmuḥal ad fɣen seg uxxam skud mazal
arrac-nni umadaɣ tezzin i wexxam. U nitni mači d widak ara
iqeblen ad ttuɣelben s wemɣaṛ acaraf neɣ s weqcic ungif am
netta. Ula d nitni ad bɣun ad d-rren ttaṛ. Akka i teddunt temsal.
Imuqel Ɛumeṛ ɣer tkarṭunt n tkaṛṭac i d-yufa lḥal ur yewwiḍ
ara wezgen i d-yegran deg-s dɣa yemṛareɣ ɣef ukaṛlaj akken ad
yeste fu si eggu n tmegḥelt ẓẓayen aṭas fell-as. Tafekka-ines
tuɣal tedduz si tesmeḍ akked tagdi n lmut. Iḥulfa daɣen i tagdi n
widak yellan di baṛṛa. Syin s umured yewweḍ ɣer wemɣar
yeẓlen am ujebbad di tlemmast uḥanu di tferṣadit. Mi yewweḍ
ɣur-es, isers-as daɣen aḍad-is ɣef uzar ameqran n temgarṭ
akken ad iẓer ma yella mazal-it yedder.
D tafrara, tebda tafat la d-tneqqeṛ ɣef taddart n sidi Ɛetman,
yekker Ɛumeṛ seg yidi-s n mass Qebbani anda yella yeẓẓel i
weste fu, qbala ɣer sqef seg anda ara d-i ass akken ilaq tikli
irebraben. Yugad ad d-zeḍmen umbe d mara walin yewweḍ-ed
lefjer meqbel ad awḍen s ayen bɣan. Dɣa s tmegḥelt ɣef uzagur
am isura iwala di tilibizyu, inṭew d asawen, ɣer sqef n wexxam.
Akken kan yewweḍ yebda asufeɣ n lewǧah ar yal tama
anda llan irebraben. Inna-yas akka ad ẓren belli mazal-aɣ d
irgazen u ma bɣan ad d-aɣ-nɣen ilaq ad fken kra seg-sen d
asfel. Syin ikemmel Ɛumeṛ tiyta, armi iḥulfa i weẓɣal i d-yulin
seg uzzal n tmegḥelt.
Ticki iwala abeḥnuq neɣ ahat d tamecwaṛt tamellalt i dyettwarefden deg igenni. Iwhem d acu-tt. Ur yumin ara iman-is
38

mi iwala limam n taddart ad d-ileḥḥu srid s axxam; deffir-es cwiṭ,
yedda-d gma-s n mass Qebbani. Dɣa yuzzel-ed si sqef ɣer
tewwurt, yelli-yasen-d. Nutni qbala d tazla ɣer wemɣar-nni
yeẓlen di tlemmast n wexxam. Ufan-t-in yettwakmes am ubelluḍ
zdaxel n tduliyin n yizem yellexsen yark d idammen. Ḥala
taqadumt-is tawraɣt i d-yettbanen seg-s. Ula d claɣem-is amzun
ikcem-iten ccib.
Ayen yeswehmen limam akked gma-s, dakken ufan-t-in mazal-it
la d-yettara nnefs amzun d taguni i yeṭṭes. Dɣa akken walan
anect-en ṭfen-tt d tazla ɣer ufergut n yiwen uqcic n taddart.
Amecwaṛ kan iḥbes-ed zdat tewwurt n wexxam yeṭṭuṭcen yeflan
am tseksutt. D abrid ar ttbiṭaṛ n Blida.
Iqqim limam ɣer tama n Ɛumeṛ, la s-issefeḍ tidi uɣebbar
yeqquren ɣef unyir-is. Ismekta-yas-ed belli ass-agi mači di
lǧama iẓẓullen lefjer. Dɣa yeṭṭerḍeq weqcic d taḍsa, yenna-yased:
- Ǧa leɣ nɣan-k warraw n leḥram. Nnan-iyi-d belli s axxam i nzeḍmen.
Yerra-yas-ed limam s ucmumeḥ:
- Nwala-k-id seg uxxam n si Faṛuq amek isen-txedmeḍ iḍ-agi.
Teskufareḍ-ten. Nebɣa ad d-nass ɣurwen wten-aɣ-ed s uḥlalas.
dɣa nuɣal. Lemmer ad tezreḍ acḥal ḥdaqren fell-awen. Dɣa keč,
uɣalen amzun ččan ṛṛaǧ seg-k. Ulac amek ur xdimen ara akken
ad k-id-awḍen, ur zmiren ara …ma d nek nniɣ-asen mi d-ṛuḥen
ɣur-i belli ayen i d-yenna si Qebbani d ayen i t-ye nan netta, ur
ttkaɣ ara deg-s. Ẓriɣ imir-en mazal i d-tewweḍ deg allaɣ-nsen
tegnitt anida nɣen limamat am nek. Dɣa unfen-iyi. Ddiɣ-ed
deffir-nsen ad asen-sfehmeɣ belli ayen i d-yenna fell-asen mači
d ajqeṛṛi-nsen, acu kan d tiɣri kan n wemɣar i wumi yemmut
mmi-s s yiwet n lmut tucmitt.
Di lawan-nni i s-ed-yettmeslay limam, isers weqcic
taqerruct-is ɣef tayett-is. Dɣa yeɣli yeṭṭes. Aneggaru-yagi ur asifaq ara armi d makken i d-yeɣli ɣer irebbi-s. Yebɣa ad d-iru seg
ayen akka yeḍran d weqcic-agi: nɣan-as ameddakel-is zdat-es,
akken sin wussan umbe d uɣallen-d ad t-nɣen netta. U yewwas
seg ussan-agi i d-iteddun, mebla ccek, ad uɣalen tikelt nniḍen
ɣur-es. Dayen tura ɣur-sen yettwaḥseb am win yemmuten.
39

Yeqqim akken, s weqcic yeẓlen ɣef taɣma-s, ur la yetteḥṛirit
ara, yiwen akken umecwaṛ meqqṛen; Ur yebɣa yara ad t-idyessaki. Imi la ca iwala-t-id amek isen-d-yeṭṭef i yelmeẓyen-nni i
d-yezzin i wexxam n mass Qebbani. Ɣas ula d yiwen ubrid ur
iḥuza alba ḍ seg-sen, acu kan yesseṛwa-yasen timeṛzuga. Imi
mkul mara d-iqarreb yiwen seg-sen yeṭṭaweḍ-it-id we baṛ ar
tama-s. Qlalḥen fell-as ajel uqlileḥ. U ɣef ayagi, yeẓra ḥala
tuɣalin ara d-uɣallen yewwas ɣur-es, ass-a neɣ azekka , neɣ
ass nniḍen.
Imekta-d imir-en belli d lawan ad sahlen, dɣa yessaki-it-d si
tnafa-s. Yenna-yas:
-Tezriḍ, d lawan, ad tṛuḥeḍ ɣer Blida. Ass-agi ad tegneḍ din ɣer
mmi-s n xali. Azekka ad iḍul webrid-ik, imi ad k-cegg eɣ ɣer
yiwen umeddakel-iw di Wehṛen, yes a lkuca n weɣrum; Mači
aṭas ayagi i yi-d-inna yeḥwaǧ axeddam. Din ad txedmeḍ ɣures. Ɣur-ek anda i d-tettuɣaleḍ. Beddel isem i yiman-ik, ur qqar i
yiwen ansi i d-tusiḍ. Ma tejmeḍ yewwas imawlan-ik ini-yasen-d,
d nitni ara n-iṛuḥen ɣur-ek. Neɣ akka, ur tettu yara !
Yenna-yas imir-en Ɛumeṛ :
- i si Qebbani amek i teḍṛa yides. neɣ, ur yemmut-ara?
Yerra-yas-ed limam:
- Mass Qebbani, hatan di ttbiṭaṛ. Ma yella yura-yas Ṛebbi ad
yemmet ass-a, ihi si lmut-is ulac anwa ara t-id-yessuksen. U ma
yella yura-s Ṛebbi ad yernu cwiṭ di ddunit, anect-a dayen i
yelhan i werraw-is d leḥbab-is. Ladɣa snat tmectaḥ-nni. Yyaɣ
tura d lawan a nsahel.
Kkren-d di sin seg umnaṛ n wexxam anda qqimen. S la qel
ṭṭfen abrid ar temraḥt iṭaksiyen yettawin ɣer Lareb a. Mi wwḍen
ɣer tsemmit n lḥara imuqel-ed Ɛumeṛ ɣer wexxam-nni n at
Qebbani, iḥulfa imir-en mi iwala anect-en n tebrikt yeftutsen,
belli dayen ur yettuɣal ara yark ad d-yuɣal ɣer taddart-agi-nsen.
Dɣa yecmumeḥ.

40




Télécharger le fichier (PDF)

Tufga Taneggarut (tullist) n Aït Kaci Mohamed Arab.pdf (PDF, 237 Ko)

Télécharger
Formats alternatifs: ZIP







Documents similaires


tufga taneggarut tullist n aet kaci mohamed arab
12 pdfsam journ al scolrevue effervescence version 2
mqidec
teffe fransa
anzaren nikolae gogol
claus amecu d claus ameqqran   tamacahut n h c anderson